جاڭالىقتار
قوناەۆتا دەپۋتاتتىڭ كوز الدىندا قىز سۋعا باتىپ كەتتى

قوناەۆتاعى جاعاجايدا جاس ايەل سۋعا باتىپ كەتتى, دەپ حابارلايدى Qandastar.kz.
قايعىلى وقيعا كەزىندە جاعاجايدا ءماجىلىس دەپۋتاتى باقىتجان بازاربەك تە بولعان.
ونىڭ ايتۋىنشا, جاعالاۋدا قاۋىپسىزدىككە جاۋاپتى ەشكىم بولماعان: قۇتقارۋشىلار, بەينەباقىلاۋ كامەرالارى, قۇتقارۋ قۇرالدارى, مەديتسينالىق قىزمەتكەر جوق. سۋ قويماسىنىڭ جاعاسى جەكە كاسىپكەرلەرگە بەرىلگەن.
ولار ايماققا پايدا اكەلۋدىڭ ورنىنا تەك شلاگباۋم قويىپ, كەلگەندەردەن اقشا جيناۋمەن شەكتەلەدى.
قىزدى سۋدان كۋاگەرلەر الىپ شىعىپ, العاشقى كومەك كورسەتۋگە تىرىسقان.
وقيعا ورنىنا كەلگەن دارىگەرلەر مەن پوليتسەيلەر «ەشتەڭە ىستەي المايمىز, سۋداعى قاۋىپسىزدىككە ۋاكىلەتتى ورگاندار جاۋاپ بەرەدى» دەپ جاۋاپ بەرگەن.
باقىتجان بازاربەك جاعاجايلاردىڭ كىمگە تيەسىلى ەكەنىن انىقتاپ, زاڭ تالاپتارىن بۇزعانداردى جاۋاپقا تارتۋ ءۇشىن تەكسەرىس جۇرگىزۋدى تالاپ ەتەتىنىن ايتتى.