«قوناەۆتا جەر قىتايلارعا بەرىلگەن»: اكىمدىك ءتۇسىندىردى

فوتو: قوناەۆ قالاسى اكىمىنىڭ ءباسپاسوز قىزمەتى

بۇعان دەيىن الەۋمەتتىك جەلىدە قوناەۆ قالاسىندا جالپى اۋماعى 7.12 گا بولاتىن جەر قىتايلىقتارعا بەرىلدى دەگەن اقپارات تارادى.

جەرگىلىكتى اكىمدىك جاعدايدى ءتۇسىندىردى. تارقاتىپ ايتساق, «جىبەك جولى» جشس №8 جاعاجايدى اباتتاندىرۋ جوباسىن قولعا الىپ, ينۆەستيتسيا قۇيماق نيەتتە. بۇل جەردىڭ كولەمى 7.9 گەكتاردى قۇرايدى. ءدال سول جاعاجايدىڭ قاسىنداعى 7.12 اۋماقتى الىپ جاتقان جەر, ياعني, №7 جاعاجايدىڭ ءبىر بولىگى ينۆەست جوبانىڭ قۇرامىنا كىرىپ وتىر. جالپى اۋماعى 15 گا جاعالاۋ اتتراكتسيوندار پاركىنە اينالماق,-دەپ حابارلايدى Qandastar.kz قوناەۆ قالاسى اكىمىنىڭ ءباسپاسوز قىزمەتىنە سىلتەمە جاساپ.

قازىرگى تاڭدا №7 قالالىق جاعاجايدا 40-تان استام كاسىپكەر قىزمەت ەتۋدە. ولار ءدامحانا, تاپشان, شاتىرلاردى مەملەكەتتەن جالعا الىپ وتىر. مۇنداعى 2 بيزنەس ورىنى اتالعان ينۆەستجوبانىڭ قۇرامىنا ەندى. كاسىپكەرلەر بيىلعى شومىلۋ ماۋسىمى بىتكەنشە جۇمىس جاسايدى. قازىرگى تاڭدا قوس تاراپقا وڭتايلى شەشىم شىعارۋ باعىتىنداعى جۇمىس ءجۇرىپ جاتىر. مىسالى, بۇگىن قوناەۆ قالاسىنىڭ اكىمى اسحات بەردىحانوۆ كاسىپكەرلەرمەن كەزدەسىپ, ءمان-جايدى ءتۇسىندىردى.

قالانىڭ بەكىتىلگەن باس جوسپارىنا سايكەس, شاھارداعى 9 جاعاجايدى دا اباتتاندىرۋ كوزدەلىپ وتىر. بيىل زاماناۋي ستيلدە جاسالعان №5 جاعاجاي قولدانىسقا بەرىلدى.