Kóńildesin óltirýge tapsyrys bergen aýdannyń eks-ákim bostandyqqa shyqty

Foto: “Moı gorod”

Terekti aýdanynyń burynǵy ákimi Jeńis Serikqalıev kóńildesin óltirýge tapsyrys bergeni úshin 11 jylǵa sottalǵan. Araǵa 8 jyl salyp qalǵan ótelmegen jazasyn shartty jazaǵa aýystyrýdy surady. Bul týraly  qandastar.kz  Stan.kz aqparat agenttigine silteme jasap habarlaıdy.

Terekti aýdanynyń burynǵy ákimi Jeńis Serikqalıev ótelmegen jazany shartty jazamen aýystyrý týraly ótinish bergen. Serikqalıev sot taǵaıyndaǵan 11 jyldyń 8 jylyn ótedi. Ol 2027 jyldyń 14 naýryzynda bostandyqqa shyǵýy kerek edi. Alaıda eks-sheneýniktiń naqty jazasy shartty jazaǵa 2024 jyldyń sáýir aıynda aýystyrylǵan. Biraq bul týraly qazir ǵana belgili boldy.

Jeńis Serikqalıev jazasyn óteý kezinde tártip buzbaǵan, jumys istegen, is-sharalarǵa qatysyp, 15 ret madaqtaý alǵan.

Eske salaıyq, 2016 jyldyń 23 aqpanynda Terekti aýdanynyń burynǵy ákiminiń kóńildesine eki er adam shabýyl jasap, kóptegen pyshaq jaraqatyn salǵan. Áıel aman qalyp, Terekti aýdany turǵyn úı-kommýnaldyq sharýashylyǵy basqarmasynyń basshysynyń júrgizýshisin tanydy. Sot barysynda Terekti aýdanynyń ákimi Jeńis Serikqalıev dosy turǵyn úı-kommýnaldyq sharýashylyǵynyń basshysy Qojamuratovqa kóńildesin óltirýge tapsyrys bergen. О́ıtkeni eks-ákim men onyń kóńildesiniń ortaq qyzy bar eken. Áıel ony qyzymen bopsalaǵan. Qojamuratov buıryqty oryndaýshy bolyp, áıeldi óltirý úshin júrgizýshisin 500 myń teńgege jaldaǵan.