كونتسەرت مۇلدەم وتپەي قالعان: پەريزات قايرات ىسىندە تانىمال ۋكراينالىق ءانشىنىڭ ەسىمى اتالدى

پەريزات قايرات پەن ونىڭ اناسى عايني الاشباەۆاعا قاتىستى تەرگەۋ ءىسى جالعاسىپ جاتقاندا, بۇل ىسكە ۋكراينالىق تانىمال ءانشى يۆان دورن دا قاتىسى بار بولۋى مۇمكىن دەگەن مالىمەت پايدا بولدى, دەپ جازدى Qandastar.kz Alash.kz-كە  سىلتەمە جاساپ.

پروكۋرور مادينا ورازالينانىڭ ايتۋىنشا, تەرگەۋ بارىسىندا فەستيۆال ۇيىمداستىرۋعا بايلانىستى ءتۇرلى قۇجاتتار تابىلعان. سونىڭ ءبىرى – يۆان دورننىڭ ونەر كورسەتۋىنە جاسالعان شوت-فاكتۋرا. قۇجاتقا سايكەس, انشىگە 9 مىڭ ەۋرو (شامامەن 5,5 ميلليون تەڭگە) كولەمىندە گونورار تولەنگەن. كونتسەرت استاناداعى گولف-كلۋبتا ءوتۋى كەرەك بولعانىمەن, شارا مۇلدە وتپەي قالعان.

«قولدا بار مالىمەتتەرگە سۇيەنسەك, فەستيۆال ۇيىمداستىرىلماعان, بىراق انشىگە تولىق كولەمدە گونورار اۋدارىلعان», – دەدى پروكۋرور.

ەسكە سالا كەتەيىك, پەريزات قايرات پەن ونىڭ اناسى تاسقىننان زارداپ شەككەندەرگە ارنالعان قاراجاتتى ماقساتسىز جۇمسادى دەگەن كۇدىكپەن تەرگەلۋدە. بۇعان دەيىن بۇل قاراجاتقا كاتەرلەر, كولىكتەر جانە قىمبات تاۋارلار ساتىپ الىنعانى حابارلانعان بولاتىن