قورعانىس ءمينيسترىنىڭ ايەلى ءبىر توپ ساربازدى جيناپ الىپ, بەينەبايان تۇسىرگەن

كۇنى كەشە قورعانىس مينيسترلىگىنىڭ رەسمي وكىلى رۋسلان جانعۇلين مينيستر رۋسلان جاقسىلىقوۆ پەن ايەلىنىڭ فوتوسسەسياسىنا قاتىستى تۇسىنىكتەمە بەرگەن ەدى. بۇل تۋرالى تىڭ اقپاراتتى ازاتتىق رۋحى پورتالى زەرتتەپ ءبىلدى, دەپ حابارلايدى KYN.KZ اقپارات اگەنتتىگى.

رۋسلان جانعۇليننىڭ ايتۋىنشا, قازاقستاندا كەز كەلگەن ادام فوتوسەسسيا جاساي الادى. ايەلىنىڭ كيىمىندەگى كوپ مەدال تۋرالى ايتا كەلە رەسمي وكىلى «ءمينيستردىڭ زايىبى دا اسكەري قىزمەتكەر. ول ۇزاق جىلدان بەرى ۇلتتىق ۇلاننىڭ ءان مەن بي انسامبلىندە قىزمەت ەتەدى. كەۋدەسىندەگى مەدالدار مەرەيتويلىق مەدالدار» دەگەن ەدى.

بۇل تاقىرىپتى قازا كەلە رەداكتسيا وتە قىزىق اقپاراتقا تاپ بولدى: قورعانىس ءمينيسترىنىڭ قازىرگى ايەلى وسىدان سەگىز جىل بۇرىن جەكە كليپ تۇسىرگەن ءانشى بولىپ شىقتى. ەڭ قىزىعى جانە ماڭىزدىسى – ول كليپىنە ۇلتتىق ۇلاننىڭ اسكەري تىكۇشاعىن, بالكىم اكتەر بولۋى دا مۇمكىن, بىراق, وتە كوپ ساربازدى, ۇلتتىق ۇلاننىڭ ءىرى-ءىرى اسكەري تەحنيكاسىن, ونىڭ تۋىن پايدالانعان.

كليپتىڭ سيۋجەتى بويىنشا, قورعانىس ءمينيسترىنىڭ ايەلىنە جاس ساربازعا عاشىق بولادى.

ەندى رەسمي مالىمەتتەردى سالىستىرساق: قازىرگى قورعانىس ءمينيسترى رۋسلان جاقسىلىقوۆ 2014 جىلى ساۋىردە گەنەرال-لەيتەنانت اتاعىن الىپ, ۇلتتىق ۇلاننىڭ باس قولباسشىسى مىندەتىنە كىرىسەدى.

ال, ونىڭ قازىرگى ايەلىنىڭ ۇلتتىق ۇلاننىڭ اسكەري تەحنيكاسىن پايدالانا وتىرىپ تۇسىرگەن كليپى 2015 جىلى 17 جەلتوقسان كۇنى رەسمي جارىققا شىعادى.