Qorǵanys mınıstrligi áskerden múgedek bolyp oralǵan sarbazǵa qatysty málimdeme jasady

Foto: ashyq derekkóz

Qorǵanys mınıstrligi áskerı qyzmetshi Erbaıan Muhtardyń jaraqat alý oqıǵasyna baılanysty resmı habarlama jarııalady, dep habarlaıdy qandastar.kz  Skifnews.kz aqparat portaly.

«Merzimdi qyzmettiń áskerı qyzmetshisi Erbaıan Muhtardyń jaraqat alǵany týraly BAQ pen áleýmettik jelilerde taratylǵan aqparatqa qatysty mynany túsindiremiz.

Qatardaǵy jaýynger Erbaıan Muhtar Ishki ister mınıstrliginiń Ulttyq ulan bólimshesinde merzimdi áskerı qyzmet atqardy.  Merzimdi qyzmettiń sarbazdary Ulttyq qaýipsizdik komıtetiniń Shekara qyzmetinde, Ishki ister mınıstrliginiń Ulttyq ulanynda, Memlekettik kúzet qyzmetinde jáne Tótenshe jaǵdaılar mınıstrliginde qyzmet ótkeretinin habarlaımyz», – delingen habarlamada.

Vedomstvo málimetinshe Qorǵanys mınıstrligi atalǵan kúshtik qurylymdardaǵy áskerı qyzmettiń qaýipsizdigin baqylaýdy júzege asyrmaıdy.

«Áskerı qyzmetshilerdiń ómiri men densaýlyǵyn saqtaý komandırler úshin basty mindet bolyp tabylady. Biz de Erbaıan Muhtardyń týystary men jaqyndarymen birge onyń densaýlyǵyna alańdaımyz jáne Qorǵanys mınıstrliginiń emdeý mekemelerinde medıınalyq kómek kórsetýge daıynbyz», – dedi vedomsvto ókilderi.