Qorǵanys mınıstrligi qazaq bolǵan áskerıler týraly málimdeme jasady

Qorǵanys mınıstrligi qaıtys bolǵan áskerı qyzmetkerleri týraly málimdeme jasady, dep habarlaıdy qandastar.kz.

Qorǵanys mınıstrligi Baspasóz qyzmetiniń aqparatynsha, qatardaǵy jaýynger Erbaıan Muhtarovqa qatysty jaǵdaı men qatardaǵy jaýynger Almas Shahımovtyń ólimine qatysty faktiler Ulttyq gvardııada bolǵan jáne onyń qarýly kúshterge qatysy joq.

«2024 jyldyń 13 mamyrynda Saryózek aýylyndaǵy merzimdi áskerı qyzmetker, qatardaǵy jaýynger Dosymjan Sálimjannyń ólimine qatysty qylmystyq is qozǵaldy», – dep habarlady qorǵanys mınıstrligi.

Qazirgi ýaqytta mınıstrlik qaza bolǵan sarbazdardyń ata-anasyna jan-jaqty qoldaý bildirip, ótemaqy tóleý túrinde kómek berilip jatqanyn aıtty.

«Áskerı qylmystardy tergep-tekserý barysy bas prokýratýra men ishki ister mınıstrliginiń tıisti bólimsheleriniń baqylaýynda. Qarýly Kúshterdiń basshylyǵy men áskerı bólimderdiń qolbasshylyǵy is-sharada ashyqtyq pen obektıvtilik qaǵıdattaryn ustanady», – dep habarlady mınıstrlik.