كوروناۆيرۋس ينفەكتسياسىنان كەيىن كامەلەت جاسىنا تولماعان بالالاردىڭ ميى قارتايىپ كەتكەن

فوتو: اشىق دەرەككوز

اقش عالىمدارى بۇكىل الەمدى شارپىعان كوروناۆيرۋس پاندەمياسىنان كەيىن جاسوسپىرىمدەردىڭ ميىنىڭ قارتايىپ كەتكەنىن مالىمدەدى. بۇل تۋرالى Stan.kzاقپارات اگەنتتىگى ينفورمبيۋرو باعدارلاماسىنا سىلتەمە جاساپ حابارلايدى.

اقش عالىمدارى جۇرگىزگەن زەرتتەۋگە سايكەس, جەتكىنشەك قىزداردىڭ ميى ورتا ەسەپپەن 4 جىل ەكى ايعا, ال ەر بالالاردىڭ ميى ءبىر جارىم جىلعا قارتايىپ كەتكەن.

عالىمدار بالالاردىڭ پاندەمياعا دەيىن تۇسىرىلگەن مي قىرتىسىنىڭ سۋرەتتەرىمەن ودان كەيىنگى سۋرەتىن سالىستىرعان كەزدە, وزگەرىستەردى بايقاعان. زەرتتەۋشىلەردىڭ سوزىنشە, جاسوسپىرىمدەر سترەسسكە بەيىم, ءارى ميى دا اسا سەزىمتال كەلەدى. ىندەتتەن كەيىن بالالار ميىنىڭ قارتايۋىنىڭ جەدەلدەگەنى وسىدان دەپ ەسەپتەيدى.

عالىمداردىڭ دەرەگىنە سايكەس, مۇنى قالىپقا كەلتىرۋ ءۇشىن جەتكىنشەكتەرگە پسيحيكالىق قولداۋ كورسەتۋ ماڭىزدى.بالالاردى الەۋمەتتىك جەلىلەردەن الشاقتاتىپ, ورتاسىمەن قارىم-قاتىناسىن جاقسارتۋعا مۇمكىندىك جاساۋ كەرەك دەيدى ولار.

ايتا كەتەيىك, بۇعان دەيىن دەنساۋلىق ساقتاۋ مينيسترلىگى قازاقستانداعى كوروناۆيرۋس جاعدايىنا قاتىستى مالىمدەمە جاساعان ەدى. ۆەدومستۆونىڭ مالىمەتىنشە, بيىل جىل باسىنان بەرى كوروناۆيرۋس ينفەكتسياسىنىڭ 1290 جاعدايى تىركەلگەن. كوپ جاعدايدا اۋرۋ جەڭىل وتەدى دەيدى.