كوشەدە «قارۋمەن» جۇرگەن نيكابتاعى قىزدار اقتاۋلىقتاردىڭ زارەسىن الدى

فوتو: Lada.kz

اقتاۋدا نيكاب كيگەن ەكى قىز ويىنشىق اۆتوماتتارىن ۇستاپ, تۇندە كوشە ارالاپ جۇرگەن. بۇل تۋرالى Stan.kz اقپارات اگەنتتىگى Lada.kz سايتىنا سىلتەمە جاساپ حابارلايدى.

اقتاۋ  تۇرعىنى جابىق كيىنگەن قىزداردىڭ قارۋ اسىنىپ جۇرگەنىنەن شوشىپ قالعان. 26 شىلدەدە كەشكە ول كۇيەۋىمەن كافەدەن ۇيىنە جاياۋ قايتىپ كەلە جاتقان. 5-ىقشاماۋداننان 4-ىقشاماۋدانعا قاراي جولدى كەسىپ ءوتىپ بارا جاتقان ەكەن. سول كەزدە ەر ادامعا اۆتومات كەزەگەن ەكى قىزدى كورىپتى.

“ولار ءماز بولىپ, ك ۇلىپ جاتتى. شىنىمدى ايتسام, مەن تاڭ قالدىم, ويتكەنى باسىندا بۇل ويىنشىق اۆتومات ەكەنىن بىلمەدىم. كەيىن اتىلعان داۋسىنا قاراپ, ويىن ەكەنىن ءتۇسىندىم”, – دەيدى تۇرعىن.

ول مۇنداي ءازىلدىڭ ورىنسىز ەكەنىن ايتتى.

“ولاردىڭ ارام ويى بولماعانىن بىلەمىن. مەنىڭشە, ەرەگەسىپ ىستەگەن سياقتى. دەسە دە بۇل مۇلدەم كۇلكىلى ەمەس. سول كەزدە مەن قاتتى قورقىپ كەتتىم», – دەدى ول.