كوشەت وتىرعىزۋدىڭ كەشەندى جوسپارى كەستەدەن كەشىگە مە?

كوشەت وتىرعىزۋدىڭ كەشەندى جوسپارىن جۇزەگە اسىرۋدا ىركىلىس بايقالدى,

پرەزيدەنت تاپسىرماسىنا سايكەس 2021-2025 جىلدارى ارالىعىندا ورمان القاپتارىنا 2 ملرد ءتۇپ شىبىق ەگىلۋى قاجەت. الايدا بىلتىرعى مەجە تولىق ورىندالماعان. مينيسترلىك وكىلدەرى بۇل ولقىلىقتى ءتۇرلى سەبەپپەن بايلانىستىرادى.

كوكتەم كەلىپ, كۇن جىلىسىمەن ەلدى مەكەندەردە جۇرتشىلىق ەكولوگيالىق اكتسياعا ءۇن قوسىپ جاتىر. ياعني, اۋىل مەن قالا كوشەلەرىنە كوشەتتەر وتىرعىزا باستادى. وسى ارقىلى ۆولونتەرلەر مەن قوعام بەلسەندىلەرى جاستاردى تابيعاتتى قورعاۋعا جانە كوركەيتۋگە ۇندەيدى

. الەنعالي كەرەەۆ, ەڭبەك ارداگەرى: — ەندى بيۋدجەتتەن شىققان اقشا قۇردىمعا كەتپەۋ كەرەك. اۋىلدىڭ, قالانىڭ تۇرعىندارى وسى جاسىل جەلەكتىڭ ءوسىپ, حالىققا قىزمەت ەتۋىنە ءبارىمىز ءبىر كىسىدەي اتسالىسۋىمىز كەرەك دەپ ەسەپتەيمىن. 15 ملن ءتۇپ. مەملەكەت باسشىسىنىڭ تاپسىرماسى اياسىندا 5 جىل ىشىندە ەلدى مەكەندەر اۋماعىنا وسىنشا كوشەت وتىرعىزىلۋى ءتيىس.

بۇل شارالار كەزەڭ-كەزەڭىمەن جۇرگىزىلىپ جاتىر. ال ورمان قورىن جاسىل جەلەككە بايىتۋ جۇمىستارى باياۋلاپ كەتتى. بىلتىر رەسپۋبليكا بويىنشا ورمان-توعايدا 340 ملن شىبىق ەگىلگەن. بۇل سول جىلعا مىندەتتەلگەن مەجەنىڭ 73%-ءى عانا. راشيد اسقاروۆ, قر ەكولوگيا جانە تابيعي رەسۋرستار مينيسترلىگىنىڭ كوميتەت باسقارماسى باسشىسىنىڭ م. ا.: — اقشا ۋاقىتىلى اكىمدىكتەرمەن بولىنبەگەن. تۇقىمباقتار ۋاقىتىمەن سەبىلمەگەن. تۇقىم ۋاقىتىمەن جينالماعان جانە باسقا دا فاكتورلار بار. ودان بىلاي اكىمدىكتەر كوشەتتەردى ساتىپ الۋعا قانشا كونكۋرس جاريالاسا دا, كوشەت تاپشى بولىپ تۇر. ورمان قورىنا وتىرعىزىلعان كوشەتتەردى ۇدايى كۇتىپ-باپتاپ, باقىلاۋدا ۇستاۋ دا كۇردەلى ماسەلەگە اينالدى. مىسالى, اقتوبە وبلىسىندا ەگىلگەن شىبىقتاردىڭ شامامەن 66%-ءى عانا تامىر جايادى ەكەن. جومارت باقىتكەلدى, تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى: — شىعىمدىلىعىن كوبەيتۋ بويىنشا قازىر كوپتەگەن جۇمىستار جۇرگىزىلەدى. ول كۇتىپ ۇستاۋلارى, ورتكە قارسى «پولوسالاردى» دايىنداۋ, جىرتۋ. ودان بولەك, ۋلاۋ جۇمىستارى سياقتى قوسىمشا تاعى باسقا جۇمىستار قاراستىرىلىپ وتىر.