KО́ShET OTYRǴYZÝDYŃ KEShENDI JOSPARY KESTEDEN KEShIGE ME?

Kóshet otyrǵyzýdyń keshendi josparyn júzege asyrýda irkilis baıqaldy,

Prezıdent tapsyrmasyna sáıkes 2021-2025 jyldary aralyǵynda orman alqaptaryna 2 mlrd túp shybyq egilýi qajet. Alaıda byltyrǵy meje tolyq oryndalmaǵan. Mınıstrlik ókilderi bul olqylyqty túrli sebeppen baılanystyrady.

Kóktem kelip, kún jylysymen eldi mekenderde jurtshylyq ekologııalyq akııaǵa ún qosyp jatyr. Iaǵnı, aýyl men qala kóshelerine kóshetter otyrǵyza bastady. Osy arqyly volonterler men qoǵam belsendileri jastardy tabıǵatty qorǵaýǵa jáne kórkeıtýge úndeıdi

. Álenǵalı Kereev, Eńbek ardageri: — Endi bıýdjetten shyqqan aqsha qurdymǵa ketpeý kerek. Aýyldyń, qalanyń turǵyndary osy jasyl jelektiń ósip, halyqqa qyzmet etýine bárimiz bir kisideı atsalysýymyz kerek dep esepteımin. 15 mln túp. Memleket basshysynyń tapsyrmasy aıasynda 5 jyl ishinde eldi mekender aýmaǵyna osynsha kóshet otyrǵyzylýy tıis.

Bul sharalar kezeń-kezeńimen júrgizilip jatyr. Al orman qoryn jasyl jelekke baıytý jumystary baıaýlap ketti. Byltyr respýblıka boıynsha orman-toǵaıda 340 mln shybyq egilgen. Bul sol jylǵa mindettelgen mejeniń 73%-i ǵana. Rashıd Asqarov, QR Ekologııa jáne tabıǵı resýrstar mınıstrliginiń komıtet basqarmasy basshysynyń m. a.: — Aqsha ýaqytyly ákimdiktermen bólinbegen. Tuqymbaqtar ýaqytymen sebilmegen. Tuqym ýaqytymen jınalmaǵan jáne basqa da faktorlar bar. Odan bylaı ákimdikter kóshetterdi satyp alýǵa qansha konkýrs jarııalasa da, kóshet tapshy bolyp tur. Orman qoryna otyrǵyzylǵan kóshetterdi udaıy kútip-baptap, baqylaýda ustaý da kúrdeli máselege aınaldy. Mysaly, Aqtóbe oblysynda egilgen shybyqtardyń shamamen 66%-i ǵana tamyr jaıady eken. Jomart Baqytkeldi, tabıǵı resýrstar jáne tabıǵatty paıdalanýdy retteý basqarmasy basshysynyń orynbasary: — Shyǵymdylyǵyn kóbeıtý boıynsha qazir kóptegen jumystar júrgiziledi. Ol kútip ustaýlary, órtke qarsy «polosalardy» daıyndaý, jyrtý. Odan bólek, ýlaý jumystary sııaqty qosymsha taǵy basqa jumystar qarastyrylyp otyr.