جاڭالىقتار
قوسشى اكىمدىگى قۇنى 47,6 ملن تەڭگە بولاتىن جاعاجايدى زاڭسىز بەرىپ جىبەرگەن
فوتو: ort.com
قوسشى قالاسىنىڭ قالالىق جاعاجايىن ورنالاستىرۋ جانە وعان قىزمەت كورسەتۋ ءۇشىن كاداسترلىق قۇنى 47,6 ملن تگ بولاتىن 1, 9844 گا جەردى زاڭسىز بەرۋ فاكتىسى انىقتالدى, دەپ حابارلايدى qandastar.kz
Skifnews.kz وبلىستىق پروكۋراتۋرا مالىمەتىنشە, 02.06.2024 جىلى قوسشى قالاسىنىڭ تۇرعىن ءۇي-كوممۋنالدىق شارۋاشىلىق جانە تۇرعىن ءۇي ينسپەكتسياسى ءبولىمىنىڭ باسشىسى شارت نەگىزىندە قوسشى قالاسى سارقىراما وزەنىنىڭ بويىندا ورنالاسقان جاعاجاي تۇرىندەگى م ۇلىكتى 5 جىل مەرزىمگە سەنىمگەرلىك باسقارۋعا بەردى.
«بۇل رەتتە قوسشى قالاسىنىڭ تۇرعىن ءۇي-كوممۋنالدىق شارۋاشىلىق جانە تۇرعىن ءۇي ينسپەكتسياسى بولىمىندە وسى جەر ۋچاسكەسىن پايدالانۋ جانە وعان بيلىك ەتۋ قۇقىعى بولعان جوق. وسىلايشا, ءبولىم باسشىسى نەگىزسىز شارت جاساسىپ, جەردى سەنىمگەرلىك باسقارۋعا بەردى.
27.01.2025 جىلعى قاداعالاۋ اكتىسى بويىنشا زاڭسىز جاسالعان شارتتىڭ كۇشى جويىلىپ, قوسشى قالاسى اكىمىنىڭ 29.01.2025 جىلعى وكىمىمەن مەملەكەتتىك قىزمەتتەر كورسەتۋ سالاسىنداعى زاڭناما تالاپتارىن بۇزعانى ءۇشىن ءبولىم باسشىسىنا تارتىپتىك جازا قولدانىلدى.
سونىمەن قاتار, سارقىراما مەن تايمان ۇلى كوشەلەرىنىڭ بويىندا ورنالاسقان 5 جەر ۋچاسكەلەرىندە كوپىرلەر مەن قورشاۋلار ورناتۋ ارقىلى مەملەكەتتiك جەر ۋچاسكەلەرiن زاڭسىز يەلەنىپ الۋ فاكتىلەرى انىقتالدى. ۋاكىلەتتى ورگاندار جەر ۋچاسكەلەرىن قايتارۋ بويىنشا جۇمىس جۇرگىزۋدە», — دەلىنگەن پروكۋراتۋرا حابارلاماسىندا.
