Qosshy ákimdigi quny 47,6 mln teńge bolatyn jaǵajaıdy zańsyz berip jibergen

Foto: ort.com

Qosshy qalasynyń qalalyq jaǵajaıyn ornalastyrý jáne oǵan qyzmet kórsetý úshin kadastrlyq quny 47,6 mln tg bolatyn 1, 9844 ga jerdi zańsyz berý faktisi anyqtaldy, dep habarlaıdy qandastar.kz

 Skifnews.kz oblystyq prokýratýra málimetinshe, 02.06.2024 jyly Qosshy qalasynyń Turǵyn úı-kommýnaldyq sharýashylyq jáne turǵyn úı ınspekııasy bóliminiń basshysy shart negizinde Qosshy qalasy Sarqyrama ózeniniń boıynda ornalasqan jaǵajaı túrindegi múlikti 5 jyl merzimge senimgerlik basqarýǵa berdi.

«Bul rette Qosshy qalasynyń turǵyn úı-kommýnaldyq sharýashylyq jáne turǵyn úı ınspekııasy bóliminde osy jer ýchaskesin paıdalaný jáne oǵan bılik etý quqyǵy bolǵan joq. Osylaısha, bólim basshysy negizsiz shart jasasyp, jerdi senimgerlik basqarýǵa berdi.

27.01.2025 jylǵy qadaǵalaý aktisi boıynsha zańsyz jasalǵan sharttyń kúshi joıylyp, Qosshy qalasy ákiminiń 29.01.2025 jylǵy ókimimen memlekettik qyzmetter kórsetý salasyndaǵy zańnama talaptaryn buzǵany úshin bólim basshysyna tártiptik jaza qoldanyldy.

Sonymen qatar, Sarqyrama men Taımanuly kósheleriniń boıynda ornalasqan 5 jer ýchaskelerinde kópirler men qorshaýlar ornatý arqyly memlekettik jer ýchaskelerin zańsyz ıelenip alý faktileri anyqtaldy. Ýákiletti organdar jer ýchaskelerin qaıtarý boıynsha jumys júrgizýde», — delingen prokýratýra habarlamasynda.