Jańalyqtar
Qosshyda kólik astynda qalǵan eki jasar Balany qaǵyp ketti
Foto: skıın
Qosshy qalasynda KIA Sportage kóliginiń júrgizýshisi eki jasar qyz balany qaǵyp ketip, sábı oqıǵa ornynda qaza tapty, dep habarlaıdy qandastar.kz
Oqıǵa 2025 jyldyń 5 sáýiri kúni turǵyn úılerdiń biriniń aýlasynda bolǵan. Aldyn ala málimet boıynsha, kólik tizginindegi áıel adam keri burylý manevrin jasaǵan sátte, jolda jalǵyz qalǵan balany baıqamaı, qaǵyp ketken.
Oqıǵanyń vıdeosy áleýmettik jelilerde tarap ketti. Kadrlardan birneshe balanyń aýlada oınap júrgenin kórýge bolady. Bir sátte bári jan-jaqqa qashady, al 2023 jyly týǵan qyz bala jol ústinde jalǵyz qalady. Dál sol kezde kólik kelip, balany qaǵyp ketedi.
Jeli qoldanýshylarynyń aıtýynsha, kólik júrgizýshisi sol aýmaqta turady jáne shamamen saǵat 15:30-da kámeletke tolmaǵan ulyn izdep úıden shyqqan.
Atalǵan fakti boıynsha Qylmystyq kodekstiń tıisti babymen is qozǵaldy. Qazirgi ýaqytta tergeý amaldary júrgizilip jatyr. Aqmola oblysy polıııa departamenti bul aqparatty rastady.
«5 sáýir kúni Qosshy qalasyndaǵy turǵyn úı aýlasynda KIA Sportage kóligin basqarǵan júrgizýshi 2023 jyly týǵan qyz balany qaǵyp ketti. Saldarynan bala oqıǵa ornynda kóz jumdy. Atalǵan derek boıynsha qylmystyq is qozǵalyp, tergeý amaldary bastaldy»,– delingen resmı habarlamada.
