جاڭالىقتار
قوستاناي وبلىسىندا 8 جاستاعى بالانى اياۋسىز ۇرىپ سوققان
فوتو: ينستاگرام
قوستاناي وبلىسى ليساكوۆسك قالاسىندا 8 جاستاعى بالاعا دەنە جاراقاتىن سالۋ فاكتىسى بويىنشا سوتقا دەيىنگى تەرگەۋ باستالدى, دەپ حابارلايدى qandastar.kz استانا تەلەارناسى.
«3 ءساۋىر كۇنى بالانىڭ مەكتەپكە كانيكۋلدان كەيىن كەلمەگەنى تۋرالى اقپارات تىركەلگەن. وسىدان كەيىن بالاعا قاتىستى زورلىق-زومبىلىق بەلگىلەرى انىقتالىپ, ءىس پوليتسيا قاراۋىنا بەرىلدى», — دەلىنگەن ماتەريالدا.
قوستاناي وبلىستىق پوليتسيا دەپارتامەنتىنىڭ مالىمەتىنشە, قازىرگى ۋاقىتتا بارلىق قاجەتتى تەرگەۋ شارالارى جۇرگىزىلىپ جاتىر – سۇراق-جاۋاپتار الىنىپ, سوت-مەديتسينالىق ساراپتاما تاعايىندالدى.
بالانىڭ دەنساۋلىعى مەن قاۋىپسىزدىگىن قامتاماسىز ەتۋ ماقساتىندا, يۋۆەنالدى پوليتسيا قىزمەتكەرلەرى ونى ارنايى الەۋمەتتىك قىزمەتتەردى قاجەت ەتەتىن بالالاردى قولداۋ ورتالىعىنا ورنالاستىردى. قازىرگى ۋاقىتتا بالا بيولوگيالىق اكەسىمەن بىرگە ەكەنى حابارلاندى.
