Qostanaıda QTJ laýazymdy tulǵalary jemqorlyq úshin sottaldy

Qostanaıda QTJ laýazymdy tulǵalary 12 mln teńge jymqyrǵany úshin kináli dep tanyldy. Birneshe sheneýnikke qatysty bas bostandyǵyn shekteý jazasy taǵaıyndaldy

Beıimbet Maılın aýdanynyń soty»QTJ – Júk tasymaly» JShS fılıalynyń Qostanaı paıdalaný lokomotıv deposynyń bastyǵy A. Mahmýtovqa, onyń orynbasary J. Syrmanovqa, jylý tehnıgi B.Serikulyna jáne «Qazaqstan-OEK» SÚ» JShS Tobyl stanııasynyń otyn qoımasynyń bastyǵy K. Elıýsınovqa qatysty úkim jarııalady.

Olar QTJ dızel otynyn jáne temirjol kranyn jóndeýge bólingen qarajatty jalpy somasy 12 mln teńgege jymqyrǵany úshin kináli dep tanyldy. «Mahmutov, Syrmanov, Elıýsınov 3 jyldan 4 jyl 6 aıǵa deıin bas bostandyǵynan aıyrýǵa, Serikuly 3 jylǵa bas bostandyǵynan shekteýge sottaldy. Sonymen qatar sottalǵandar ómir boıy memlekettik qyzmette qyzmet atqarý quqyǵynan aıyrylady», – delingen habarlamada.Úkim zańdy kúshine engen joq.