Qostanaıda poshta qyzmetkeri zeınetkerlerdi aldap, olardyń atyna nesıe rásimdegen

Foto: Ashyq derekkóz

Qostanaı oblysynda poshta qyzmetkeri zeınetkerlerdi aldap, olardyń atyna birneshe nesıe rásimdep tastaǵan. Bul týraly qandastar.kz jazdy.

Oblystyq polıııa departamentiniń málimetinshe kúdikti zeınetkerlerden hatty alǵanyn rastaý úshin, sondaı-aq zeınetaqy jınaqtaryn alý tártibin jeńildetý degen jeleýmen sýretke túsirip alǵan. Keıin mobıldi qosymshalar arqyly olardyń atyna nesıe men zaımdar rásimdegen.

“Onyń qylmystyq áreketteriniń nátıjesinde Qostanaı aýdanynyń bes zeınetkeri alaıaqtyqtyń qurbany boldy. Máselen, eki zardap shegýshiniń árqaısysyna 1 mln teńgeden nesıe, al qalǵandarynyń atynan shaǵyn nesıe rásimdegen. Jalpy materıaldyq shyǵyn 2,3 mln teńgeden asty”, – delingen habarlamada.

Alaıaqtyqtyń birneshe epızodtary boıynsha qylmystyq is qozǵaldy. Polıeıler sotqa deıingi tergeý júrgizip, isti sotqa jiberdi.