قوستانايداعى جانتۇرشىگەرلىك زورلىق: جاسوسپىرىمدەردىڭ جازاسى قانداي بولماق?

فوتو: اشىق دەرەككوز

قوستانايدا كامەلەت جاسقا تولماعان ءۇش ءجاسوسپىرىم ءبىر قىزدى الداپ شاقىرىپ, بولعان جاعدايدى ەشكىم بىلمەس ءۇشىن وعان ءبىر قاپ ويىنشىق بەرگەن. كەيىننەن ولار بەس جاستاعى ءبۇلدىرشىندى زورلاعان بولىپ شىقتى. وسى ورايدا Skifnews.kz اقپارات پورتالى سۇمدىق وقيعانىڭ ءمان-جايىنا ەگجەي-تەگجەيلى توقتالماق. 

بۇل تۋرالى #نەمولچيKZ قورىنىڭ جەتەكشىسى دينا ءتاڭسارى ءوزىنىڭ جەلىدەگى پاراقشاسىندا جازدى. قور جەتەكشىسىنە قوستانايلىق جالعىزباستى انا كومەك سۇراپ كەلگەن. ونىڭ ايتۋىنشا, 8, 12 جانە 13 جاستاعى جاسوسپىرىمدەر 5 جاستاعى قىزىن زورلاعان.

6 شىلدە كۇنى اناسى قىزىنا ۆەلوسيپەد الىپ بەرگەن. ونى اۋلادا قۇراستىرىپ جاتقاندا قىزدى كورشى بالا ءۇيدىڭ ارتىنا الىپ كەتكەن. قىزىن تاپپاي قالعان ايەل ونى ۇزاق ۋاقىت ىزدەگەن. بىردە ول قىزىنىڭ كىر, ۇيپا-تۇيپا كۇيدە بىر قاپ ويىنشىق ۇستاپ كەلە جاتقانىن كورەدى. قورقىپ كەتكەن اناسى وعان ۇرىسقان كورىنەدى. بۇل – كوپ اتا-انالاردا ءجيى بولاتىن رەاكتسيا. سوندىقتان پسيحولوگيالىق جانە قۇقىقتىق تۇرعىدان ساۋاتتى بولۋ كەرەك. بىراق قىز اناسىنا بولعان جاعداي تۋرالى ەشتەڭە ايتپاعان, – دەپ جازدى دينا ءتاڭسارى.

جانتۇرشىگەرلىك جاعداي تۋرالى 20 شىلدە كۇنى بەلگىلى بولدى. ءجابىر كورگەن قىز بارلىعىن اتاسىنا ايتىپ بەرگەن. ولار بىردەن پوليتسياعا شاعىم تۇسىرگەن. تەكسەرە كەلە, كامەلەت جاسقا تولماعان ءۇش ءجاسوسپىرىم قىزدى بۇتالاردىڭ اراسىنا اپارىپ, وعان جىنىستىق سيپاتتاعى ارەكەتتەر جاساعانى بەلگىلى بولدى.

ولار قىزدى شەشىندىرگەن, ەكەۋى ۇستاپ تۇرعان. قىز ايعايلاپ, قارسىلىق كورسەتكەندە ونىڭ شەكەسىنەن تاسپەن ۇرعان. قىزدىڭ جىنىس مۇشەسىن ۇستاپ, قامىس اراسىنا كىرگىزبەك بولعان. كەيىن ۇشەۋى جىنىس مۇشەلەرىن قىزدىڭ اۋزىنا سالۋعا ماجبۇرلەگەن. ولار بولعان جاعداي تۋرالى ەشكىم بىلمەس ءۇشىن قىزعا ءبىر قاپ ويىنشىق بەرگەن. قىز بارلىعىن اتاسىنا ەكى اپتا وتكەن سوڭ ايتىپ بەردى. قىز بار بولعانى 5 جاستا, ال ءزابىر كورسەتكەن جاسوسپىرىمدەردىڭ جاسى 8, 12 جانە 13-تە, – دەلىنگەن جازبادا.

پوليتسيا ساراپتاما تاعايىنداپ, بالالاردان جاۋاپ الدى. ولار ءوز كىناسىن مويىندادى. پوليتسيا قىزمەتكەرلەرى مەملەكەتتىك زاڭگەر مەن مەكتەپتەن پسيحولوگتى شاقىرتتى. جازبا اۆتورى جاسوسپىرىمدەرگە تاربيە بەرە الماعان اتا-اناسىنا ايىپپۇل سالىپ قانا قويماي, سوت الدىندا جاۋاپقا تارتىلۋ كەرەگىن ايتتى. سونداي-اق جابىرلەنۋشى قىز بەن ونىڭ وتباسىنا مورالدىق زيان كەلتىرگەنى ءۇشىن وتەماقى تولەۋىن تالاپ ەتتى.

بەلگىلى پسيحولوگ سەرىكگۇل ءسالي بولعان وقيعاعا قاتىستى ءوز ويىن ايتتى. ولار بەسىكتەن بەلى شىقپاعان بالالاردىڭ مۇنداي ارەكەتكە بارۋىنا بىرنەشە سەبەپ بار ەكەنىن ايتتى.

ءبىرىنشى سەبەبى اقپارات قۇرالدارى ارقىلى سەكسۋالدى سيپاتتاعى ەروتيكالىق ۆيدەوروليكتەر, ءارتۇرلى الەۋمەتتىك جەلىلەردەگى سونداي اقپاراتتاردى, كورىنىستەردى بالالاردىڭ وڭاي اشىپ كورە الۋىندا.

كورگەننەن كەيىن سوعان دەگەن ءبىر قۇشتارلىقپەن جاسامايدى. 12-13 جاستاعى بالانىڭ بويىندا قۇشتارلىق بولمايدى, – دەيدى پسيحولوگ.

ونىڭ سوزىنشە ولار كورگەنىن قايتالاپ, قىزىق رەتىندە ادامنىڭ سول ساتتە قانداي سەزىمگە بولەنەتىنىن بىلگىسى كەلەتىندىكتەن جاسايدى.

ەكىنشىدەن, بالالار مۇندايعا نە سەبەپتەن بارادى? ونداي ۆيدەونى كورۋدىڭ ءوزى دە بالالاردىڭ تاربيەسىندەگى سەزىمنىڭ جەتىسپەۋشىلىگىنەن بولادى.

ىشىندە سەزىم بار بولىپ تاربيەلەنبەگەن, سەزىممەن وسپەگەن بالا سەكسۋالدى سيپاتتاعى ارەكەتتەردى جاساۋعا قىزىعۋشىلىعى ويانىپ تۇرادى.

سوندا بالانى ءوزىنىڭ جاسىنان بۇرىن ەروتيكالىق قادامدارعا بارۋدان بالانى ساقتاپ, قورعايتىن نارسە – بالانى سەزىممەن تاربيەلەۋ, – دەدى سەرىكگۇل ءسالي.

ول بالانى “سەزىممەن تاربيەلەۋ” دەگەن كىتاپ وقىتۋ, اڭگىمەلەسىپ, سىرلاسۋ, باۋىرمال ەتىپ تاربيلەۋ ەكەنىن ايتتى.

ءۇشىنشى سەبەبى, قازىرگى ەرەسەك ادامدار بالالاردىڭ كوزىنشە بالاعات سوزدەردى ايتىپ, اشىق ۇرسىسا بەرۋىندە. بۇل بالانىڭ كوزىنشە جىنىستىق قاتىناسقا تۇسۋمەن پارا-پار نارسە.

سوندىقتان بالانىڭ بويىندا “ۇيات, بولمايدى” دەگەن ۇعىم بولمايدى. بالانىڭ كوزىنشە جىنىستىق قاتىناس جايلى ءسوزدى ايتۋعا تىيىم سالىنعان. قازىر ەرەسەكتەر وسىنى ەسكەرمەيدى, – دەدى پسيحولوگ.

وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ءناسىمجان وسپانوۆا جاقىندا قوستاناي وبلىسىندا بەس جاسار قىزعا زورلىق-زومبىلىق جاساعاندارعا قاتىستى پىكىر ءبىلدىردى.

بالالاردىڭ قۇقىقتارىن قورعاۋ كوميتەتىنىڭ ءتورايىمى بۇل ءىستىڭ ءارى تولىق زەرتتەلىپ بىتپەگەنىن ايتتى. جابىرلەنۋشى دە, ايىپتالۋشىلار دا تۇرمىسى ناشار وتباسىدان شىققان.

“بالانىڭ اناسى ءبىزدىڭ وبلىستىق بالالار ومبۋدسمەنىمەن بايلانىستا. ءبىز ماسەلەنىڭ شەشۋدىڭ امالىن تابۋعا تىرىسىپ جاتىرمىز. ويتكەنى بۇل جاعداي بارلىعىنىڭ جاعاسىن ۇستاتتى. سوندىقتان ونىڭ جاعدايىن ءتۇسىنۋىمىز كەرەك جانە بۇل باعىتتا جۇمىس جالعاسۋدا. كامەلەتكە تولماعان ايىپتالۋشىلاردىڭ اتا-اناسىنا كەلەر بولساق, ولار ءسوزسىز اكىمشىلىك كودەكس اياسىندا جاۋاپكەرشىلىككە تارتىلادى”, – دەدى ناسىمجان وسپانوۆا.

8, 12,13 جاستاعى بالالار قازىر كامەلەتكە تولماعانداردى بەيىمدەۋ ورتالىعىنا ورنالاستىرىلدى.

“ەرەكشە باقىلاۋدى قاجەت ەتەتىن وتباسىدان شىققان قۇقىق بۇزۋشىلاردىڭ جاسى كىشكەنتاي. ولار قازىر قيىن جاعدايعا تاپ بولعاندىقتان ولاردىڭ اتا-اناسىنا باعىت-باعدار بەرىپ, وزىدەرىنە دە كومەكتەسۋ كەرەك. شامادان تىس ىشىمدىك ىشەتىن وتباسىلار دا بار. قىلمىس جاساعان ءۇش ءجاسوسپىرىم وسىنداي وتباسىلاردىڭ بىرىنەن شىققان. قازىر ولار وبلىستاعى كامەلەتكە تولماعانداردى بەيىمدەۋ ورتالىعىندا”, – دەپ مالىمدەدى ۆەدومستۆو وكىلى.

ونىڭ ايتۋىنشا, بالالاردىڭ جاساعان قىلمىسىن زەرتتەپ, ولاردىڭ وزىمەن جەكە-جەكە جۇمىس ىستەۋ ءۇشىن ولاردى ارنايى مەكتەپكە اۋىستىرۋ ماسەلەسى قاراستىرىلىپ جاتىر.