Jaıaý júrmeımin: Qostanaıdyń ákimi 23 mıllıon turatyn kólikti nege tańdady?

Foto: ashyq derekkóz

Qostanaı qalasy máslıhatynyń komıssııa otyrysynda ákim Marat Júndibaev jańa kóligine qatysty pikir bildirdi, dep jazady qandastar.kz.

Qazaqstanda shyǵarylǵan jańa Kia Sorento tender arqyly tańdalǵan. Ony satyp alýǵa 23 mıllıon teńge jumsalady.

«Iá, men ony qoldanamyn, óıtkeni qalada jaıaý júre almaımyn. Onyń ústine bul ózimizdiń óndiristen shyqqan kólik», – dep qysqa qaıyrdy Júndibaev.

Ákim orynsyz saýal úshin depýtattarǵa shaǵymyn da aıtyp qaldy. Kólikti jeke múddesine emes, jumys úshin paıdalanatynyn alǵa tartty.

2022 jyly oblys ákimi Arhımed Muhambetovtiń ókimimen Júndibaev Marat Qonysbaıuly Qostanaı qalasynyń ákimi bolyp taǵaıyndalǵan edi.