Qosylǵan qun salyǵy 16%, tómengi shegi – 40 mıllıon: Májiliste jańa Salyq kodeksi talqylandy

Foto: rixabay.com

Premer-mınıstrdiń orynbasary, ulttyq ekonomıka mınıstri Serik Jumanǵarın májilis otyrysynda qosylǵan qun salyǵyna qatysty ózgeristerdi tanystyrdy. Bul týraly Stan.kz aqparat agenttigi habarlaıdy.

Jumanǵarın kásipkerlermen keńese kele qosylǵan qun salyǵy boıynsha eń tómengi shekti 40 mıllıon teńge dep belgileý usynylǵanyn aıtty.

«Qosylǵan qun salyǵy 16% bolady. Ekinshi, qosylǵan qun salyǵy boıynsha shegi 40 mıllıon teńge mólsherinde belgilenedi. 40 mıllıon teńge – úkimet pen depýtattardyń konstrýktıvti pozıııasynyń arqasynda jetken kelisimniń jemisi. Biraq biz budan keıin 160 myń  jańa salyq tóleýshilerden aırylamyz. Sonymen qatar qosylǵan qun salyǵynan qosymsha jınalatyn 400 mıllıard teńgeden qaǵylamyz», – dedi ol.

Osylaısha kásipkerler aldaǵy ýaqytta úkimet pen parlament osyndaı kelisimge kelýge daıyn ekenin bilýge tıis deıdi.

Buǵan deıin úkimet qosylǵan qun salyǵy boıynsha tómengi shegin 78 mıllıon teńgeden 15 mıllıon teńgege deıin tómendetýdi usynǵan edi.