Qosylǵan qun salyǵyn kimder tólemeıdi?

Foto: ashyq derekkóz

Májilis depýtaty Ashat Aımaǵambetov jańa Salyq kodeksiniń jobasynda áleýmettik sala boıynsha qandaı túzetýler engiziletinin aıtty, dep habarlaıdy qandastar.kz

Depýtattar Salyq kodeksiniń jobasyn qaraý barysynda bilim, ǵylym, mádenıet, sport jáne densaýlyq saqtaý salalaryn qoldaý jáne osy baǵyttarda qymbattaýdy boldyrmaý maqsatynda birqatar túzetýler ázirledi.

Ashat Aımaǵambetov usynylǵan negizgi ózgeristerge toqtaldy.

«Mádenıet, tarıhı-mádenı mura jáne arnaıy áleýmettik qyzmetter salasyndaǵy uıymdardy KTS-ten tolyq bosatý. Otandyq kitap basylymdary men anımaııa ındýstrııasyn QQS-tan bosatý, bilim, ǵylym, sport jáne densaýlyq saqtaý uıymdary úshin korporatıvtik tabys salyǵyn 5%-ǵa deıin tómendetý. Sonymen qatar qaterli isik, orfandyq, psıhıkalyq, júrek-qan tamyrlary, búırek, aýtoımmýndy, dıabet jáne basqa da kúrdeli aýrýlardy emdeýge baǵyttalǵan medıınalyq qyzmetterdi QQS-ten bosatý; al qalǵan baǵyttar boıynsha da QQS-ti qazirgi deńgeıdegideı 0% kúıinde saqtaý nemese kompromıss retinde 5%-ǵa deıin azaıtý. Atalǵan aýrýlardy emdeýge arnalǵan dárilik zattardy QQS-ten bosatý, al basqa baǵyttar boıynsha da 0%, bolmasa kompromıss retinde 5%-ǵa deıin azaıtý. Ádebı, kórkem jáne ǵylymı shyǵarmalar úshin avtorlyq alymdarǵa salyq jeńildikterin berý», — dedi ol.

Onyń aıtýynsha, qarjylyq qyzmetterge (banktik aýdarymdar, zeınetaqy qorlarynyń qyzmeti, tólem kartalary boıynsha operaııalar) qosylǵan qun salyǵynyń salynbaýy, ıaǵnı bul salanyń qymbattaýyna jol bermeý máselesi de qamtylǵan.

 «Býkmekerlik keńselerge, kazınolarǵa salyqty aıtarlyqtaı kóbeıtý, quramynda transmaılar men energetıkalyq sýsyndar bar ónimderge akız, kóptegen monopolııalarǵa arnalǵan salyqtyq jeńildikterdi joıý jáne saıajaılarǵa salynatyn salyq mólsherin tómendetý de bar», — dedi májilismen.

Depýtat bul túzetýler áli jumys tobynyń otyrystarynda talqylanyp jatqanyn, naqty sheshim qabyldanbaǵanyn basa aıtty.