جاڭالىقتار
قوسىمشا قۇن سالىعىنىڭ تسيفرلىق جوباسى ىسكە قوسىلدى
فوتو: اشىق دەرەككوز
قوسىمشا قۇن سالىعىنىڭ تسيفرلىق جوباسى ىسكە قوسىلدى, دەپ جازدى qandastar.kz
بۇل قوسىمشا قۇن سالىعى پروتسەسىن جەدەلدەتپەك. ازىرگە جوبا سىناق رەتىندە ەنگىزىلدى.
ۇكىمەت باسشىسى تسيفرلىق قارجى ينفراقۇرىلىمىنىڭ اۋقىمىن ودان ءارى كەڭەيتۋدىڭ, سونداي-اق بيۋدجەت قاراجاتىن ءبىرشاما ۇنەمدەۋدى قامتاماسىز ەتەتىن تسيفرلىق تەڭگەنى نەعۇرلىم كەڭىنەن پايدالانۋدىڭ ماڭىزدى ەكەنىن ايتتى.
«بيزنەس-ۇدەرىستەر دە وزگەرىپ, اشىق بولۋى كەرەك. بيۋدجەت اقشاسىمەن جۇمىس ىستەسەڭىز – اشىق بولىڭىز. ولاردى قايدا جۇمسايتىنىڭىزدى جانە جەتكىزۋشىلەردىڭ, مەردىگەرلەردىڭ, قوسالقى مەردىگەرلەردىڭ تولىق تىزبەگىن كورسەتىڭىز. سونداي-اق تسيفرلىق تەڭگەنىڭ پيلوتتىق جوباسىن كەڭەيتۋ قاجەت», — دەپ اتاپ ءوتتى ولجاس بەكتەنوۆ.
سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اسحات جۇماعالي تسيفرلىق تەڭگە جوباسى سىبايلاس جەمقورلىققا بارىنشا بەيىم سالالاردا سىناقتان ءوتىپ جاتقانىن ايتتى. بۇگىندە 250 ملرد-قا جۋىق تسيفرلىق تەڭگە اينالىمعا ەنگىزىلگەن.
«ارنايى باعدارلانعان تسيفرلىق تەڭگە بۇگىندە فەرمەرلەردىڭ مال باسىن ساتىپ الۋىنا نەسيە بەرۋ كەزىندە پايدالانىلدى ءارى جالعان مامىلەلەر مۇمكىندىگىن جويىپ, پروتسەستىڭ تولىق اشىق ءوتۋىن قامتاماسىز ەتتى», — دەدى اگەنتتىك توراعاسى.
