«قوزدىراتىن ءدارى بەرگەن»: اقنار ىسىندەگى كۇدىكتى قىزدارعا قاتىستى تىڭ دەرەك شىقتى

كوللاج: Sn.kz

جۋرناليست جان احماديەۆ اقنار ىسىندەگى باست كۇدىكتى ەكى قىزعا قاتىستى جاڭا اقپاراتتى انىقتادى, دەپ حابارلايدى Qandastar.kz  اقپارات پورتالى.

وعان قىتايدان كەلگەن قازاق قانداس روزا ەسىمدى حانىم رانو مەن ديدار جايلى بار شىندىقتى جايىپ سالدى. ول ولاردى جاقسى تانيتىن بولىپ شىقتى.

ايتۋىنشا, رانو ەسىمدى قىز پورنوگرافيالىق زاتتار ساتۋمەن اينالىسقان. ال ديدار اقنارعا قوزدىرعىش ءدارى بەرگەن. ازىرگە بۇل مالىمەتتەر تولىقتاي راستالماعان. تەرگەۋ جالعاسۋدا.

«مەن بىلەتىن اقپارات بويىنشا, باۋىرىنىڭ تەلەفونى ىستەن شىعىپ, جوندەۋگە بەرگەن كەزدە ىشىنەن ءتۇرلى ۇياتسىز ۆيدەولار شىققان. اكەسى ءبىلىپ قويىپ, ۇرىپ-سوعىپ رانونىڭ ساتقانىن بىلگەن. اقناردىڭ تەرەزەگە جۇگىرگەن ۆيدەوسىن كوردىڭىزدەر عوي. ولار ونى اراق ءىشتى دەدى, باسقا بەردى. بىراق ساراپتامادا شىققان جوق. ديداردىڭ وعان قوزدىرعىش زات بەرگەنى انىق. ال اقنار «ارىم تازا بولسىن, سەكىرسەم سەكىرىپ ولەيىن» دەپ تەرەزەگە جۇگىرگەن», — دەدى ول.

ياعني, ديدار ءدارى بەرىپ سول ءتۇنى ۇيىندە بولعان جىگىتپەن جاقىنداستىرماق بولعان. ال رانو ونى ۆيدەوعا ءتۇسىرىپ الماق بولعان. سونداي-اق, روزا قازىر ەكى قىزدىڭ تۋىستارى تاراپىنان وزىنە قوقان-لوقى جاسالىپ جاتقانىن دا مالىمدەدى.