قوجاعاپانوۆ ءىسى: ەكس-شەنەۋنىك پەن بيزنەسۆۋمەننىڭ وتباسى قانداي م ۇلىككە يە?

فوتو: كفف

ءال-فارابي اۋدانىنىڭ قىلمىستىق ىستەر جونىندەگى سوتىندا 19 مامىر كۇنى بۇرىنعى سپورت جانە مادەنيەت ۆيتسە-ءمينيسترى ەرلان قوجاعاپانوۆتى 3 جىلعا باس بوستاندىعىنان ايىرۋ تۋرالى ۇكىم شىعارىلدى. سۋديا ەكس-شەنەۋنىكتىڭ جانە ونىڭ وتباسىنىڭ مۇلكى – ەليتالىق جىلجىمايتىن م ۇلىك, كولىكتەر, كريپتوۆاليۋتا مەن قاراجاتتان بۇعاتتى الىپ تاستادى. ال وسى ءىس بويىنشا 5 جىلعا سوتتالعان كاسىپكەر ءلاززات كوككوزوۆانىڭ اكتيۆتەرى – جىلجىمايتىن م ۇلىكتەن باستاپ تسيفرلىق ۆاليۋتالارعا دەيىن – ءالى كۇنگە دەيىن بۇعاتتاۋلى. سوتتالعانداردىڭ بۇل ىستە قانداي مۇلكى بار ەكەنى انىقتالدى, دەپ حابارلايدى  qandastar.kz     Dalanews.kz-كە سىلتەمە جاساپ.

ەرلان قوجاعاپانوۆ لاۋازىمدىق وكىلەتتىكتەرىن تەرىس پايدالانعانى ءۇشىن كىنالى دەپ تانىلدى. سوت نۇسقاسى بويىنشا, ول 2018 جىلى پەتروپاۆلدا قازاقستان مەن رەسەيدىڭ پرەزيدەنتتەرى نۇرسۇلتان نازارباەۆ پەن ۆلاديمير پۋتين قاتىسقان وڭىرارالىق ىنتىماقتاستىق فورۋمىن ۇيىمداستىرۋ تەندەرىن Success K كومپانياسىنا زاڭسىز الىپ بەرگەن. ناتيجەسىندە, Success K ديرەكتورى ءلاززات كوككوزوۆا مەملەكەت بيۋدجەتىنىڭ 1 ميلليارد تەڭگەدەن استام قاراجاتىن يەمدەنگەن.

ءلاززات كوككوزوۆا اسا ءىرى كولەمدە الاياقتىق جاساعانى ءۇشىن كىنالى دەپ تانىلىپ, 5 جىلعا باس بوستاندىعىنان ايىرىلدى.

مەملەكەتكە كەلتىرىلگەن 1 ميلليارد 9 ميلليون تەڭگە شىعىندى وتەۋ مىندەتى ءلاززات كوككوزوۆاعا جۇكتەلدى. ەرلان قوجاعاپانوۆ بۇل وتەمنەن بوساتىلدى, سوندىقتان ونىڭ مۇلكىنە سالىنعان بۇعات تولىقتاي الىنىپ تاستالدى. بۇعات الىنعان اكتيۆتەردىڭ اراسىندا: كريپتوۆاليۋتا, 30 مىڭ دوللار قولما-قول اقشا جانە ءۇش گاراج بار, دەگەنمەن قوجاعاپانوۆ وتباسىنىڭ ناقتى يەلىگىندەگى اكتيۆتەر بۇدان الدەقايدا كوپ.

ەكس-ۆيتسە-مينيستر ەرلان قوجاعاپانوۆقا نە تيەسىلى?

CMN.kz مالىمەتىنشە, رەسمي تۇردە ەرلان قوجاعاپانوۆقا ارنايى كريپتو-امياندارداعى 0,17 بيتكوين, 1,9 Ethereum توكەنى, 2,19 Liberty Token, الماتى قالاسىنداعى ءۇش گاراج, شامامەن 2 ميلليون تەڭگەدەن استام اقشا مەن قولما-قول 30 مىڭ دوللار تيەسىلى ەكەنى كورسەتىلگەن. بۇرىنعى ۆيتسە-مينيستر ءۇشىن بۇل وتە قاراپايىم اكتيۆتەر سياقتى كورىنەدى.

سۋديا ەكس-شەنەۋنىكتىڭ مۇلكىن تىزگەننەن كەيىن, وماروۆا دەگەن ازاماتشانىڭ اكتيۆتەرىن اتادى. بۇل ازاماتشا – شاماسى, ەرلان قوجاعاپانوۆتىڭ جۇبايى نەمەسە جاقىن تۋىسى بولۋى مۇمكىن. وماروۆانىڭ اتىنا الماتىداعى ەليتالى اۋدانداردىڭ بىرىندە 14 سوتىق جەر تەلىمى مەن اۋدانى 686 شارشى مەتر بولاتىن ۇلكەن ءزاۋلىم ءۇي تىركەلگەن.

بۇل الىپ ەكى قاباتتى ءۇي – الماتىداعى «جايلاۋ» گولف-كلۋبىنىڭ جانىندا بىرىڭعاي ستيلدە سالىنعان 38 ەليتالىق كوتتەدجدىڭ ءبىرى. ءزاۋلىم ۇيلەر بيىك قورشاۋمەن قورشالعان جەكەمەنشىك اۋماقتا ورنالاسقان.

جاقىن ورنالاسقان ۇيلەردىڭ ساتىلىمعا قاتىستى جارنامالارىندا بۇل م ۇلىك «عاجايىپ ۆيللا», «پرەستيجدى اۋداندا ورنالاسقان ەرەكشە نىسان» رەتىندە سيپاتتالعان.

«جوندەۋ جۇمىستارى تەك پرەميۋم-كلاسس يتاليالىق ماتەريالدارمەن, ديزاينەردىڭ قاتاڭ باقىلاۋىمەن جاسالعان, بۇل ۇيگە ەرەكشە ستيل مەن ساندىلىك بەرەدى», – دەپ كورسەتىلگەن حابارلاندىرۋلاردا.

ءۇيدىڭ ىشىندە: قوناق بولمە, باققا شىعاتىن اسحانا, بالالار بولمەسى, SPA-ايماعى, باسسەين, گاردەروب بولمەلەرى جانە قويمالار بار.

وسى ەليتالى اۋدانداعى مۇنداي ءۇيدىڭ نارىقتاعى قۇنى – 2,89 ميلليارد تەڭگە. بۇل قىلمىستىق ءىس بويىنشا مەملەكەتكە كەلتىرىلگەن زالال سوماسىنان ءۇش ەسە كوپ.

سونداي-اق, وماروۆانىڭ اتىندا اق ءتۇستى Lexus RX500 (2020 جىلى شىققان) كولىگى تىركەلگەن. تاعى ءبىر كولىك – Mercedes-Benz V250 (2018 جىلى شىققان) قوجاعاپانوۆا ج. ەسىمدى تۇلعانىڭ – بولجام بويىنشا, ەرلان قوجاعاپانوۆتىڭ قىزى ءجاميلانىڭ اتىنا تىركەلگەن.

ءجاميلا قوجاعاپانوۆانىڭ اتىنا الماتىنىڭ ورتالىعىنداعى ەليتالىق «سالەم» تۇرعىن ءۇي كەشەنىندە پاتەر تىركەلگەن. قازىر بۇل تۇرعىن ءۇي كەشەنىندەگى پاتەرلەردىڭ نارىقتاعى باعاسى 200 ميلليون تەڭگەدەن باستالادى.

ءلاززات كوككوزوۆانىڭ يەلىگىندە نە بار?

ەرلان قوجاعاپانوۆ پەن ونىڭ وتباسى سوت شەشىمىمەن م ۇلىكتەرىن تولىق قايتارىپ العان بولسا, ءلاززات كوككوزوۆا مەن ونىڭ جاقىندارى كەلتىرىلگەن شىعىندى وتەگەنگە دەيىن م ۇلىكتەرىنىڭ بۇعاتتان بوساتىلۋىن كۇتۋى ءتيىس نەمەسە اكتيۆتەرى قارىزدى جابۋ ءۇشىن تاركىلەنۋى مۇمكىن.

«ارەست قويىلعان م ۇلىكتى ازاماتتىق تالاپتى قاناعاتتاندىرۋ, ماتەريالدىق زالالدى وتەۋ ماقساتىندا ساقتاپ قالۋ قاجەت», – دەپ سۋديا شەشىمدى وقىدى.

سوتتا بەلگىلى بولعانداي, بيزنەسۆۋمەننىڭ يەلىگىندە: 4,8 ملن تەڭگە مەن 2800 دوللار قولما-قول اقشا جانە ءارتۇرلى كولەمدەگى كريپتوۆاليۋتالار بار: FDC (0,000090), USDE (0,0097), MBL (0,97), DTS (0,0033), VIN جانە ETH (ارقايسىسى 0,0168), سونداي-اق باسقا كريپتوۆاليۋتالاردىڭ ءىرى كولەمدەرى – شامامەن 129,36 جانە 134,456 بىرلىك.

بۇل ونىڭ اكتيۆتەرىنىڭ ءبىر بولىگى عانا. ءلاززات كوككوزوۆا استاناداعى «كولساي» تۇرعىن ءۇي كەشەنىندە ەكى پاتەر مەن ەكى اۆتوتۇراق ورنىنا يە. قازىر بۇل تۇرعىن ءۇي كەشەنىندەگى پاتەرلەر نارىقتا كەمىندە 45 ميلليون تەڭگەدەن ساتىلۋدا. سونىمەن قاتار بيزنەسۆۋمەن الماتى قالاسى اۋەزوۆ اۋدانىنداعى «دوستىق» شاعىن اۋدانىندا جەكە ۇيگە يەلىك ەتەدى.

ونىڭ بيزنەس اكتيۆتەرىنە الماتى وبلىسىندا شارۋا قوجالىعى جانە 2012 جىلعى Toyota Land Cruiser Prado كولىگى كىرەدى.

ءلاززات كوككوزوۆانىڭ كۇيەۋىنىڭ يەلىگىندەگى وتباسىلىق اكتيۆتەر دە اسەرلى: قاراعاندى قالاسىندا (قازىبەك بي اۋدانى) ەكى جەر تەلىمى, وندىرىستىك بازا, قوسىمشا قۇرىلىستار مەن سۋ ۇڭعىماسى بار. سونداي-اق الماتى وبلىسى ەڭبەكشىقازاق اۋدانىندا تاعى ءبىر جەر تەلىمى جانە قاراعاندى وبلىسى توپار اۋىلىنداعى دەمالىس ايماعى بار. كولىكتەردىڭ اراسىندا – 2012 جىلعى Toyota Camry اۆتوكولىگى تىركەلگەن.

ءلاززات كوككوزوۆانىڭ قىزى ايىمنىڭ اكتيۆتەرىنە استانا قالاسىنداعى جەكە ءۇي مەن اناسى سياقتى سول تۇرعىن ءۇي كەشەنىندەگى پاتەر كىرەدى. ونىڭ مەنشىگىندە 2018 جىلعى Toyota Hiace اۆتوكولىگى بار.

سوتتا ءلاززات كوككوزوۆا ءوزىنىڭ قىلمىستىق قۋدالاۋعا ۇشىراۋىن ەرلان قوجاعاپانوۆپەن بايلانىستىرعان بولاتىن. ەكس-شەنەۋنىك ءوز كەزەگىندە كىناسىن مويىنداماي, كۋاگەرلەرگە سىبايلاس جەمقورلىققا قارسى قىزمەت تاراپىنان قىسىم جاسالدى دەپ مالىمدەگەن.

پروكۋرور سوت جارىسسوزىندە ەرلان قوجاعاپانوۆقا 7 جىل, ال Success K باسشىسى كوككوزوۆاعا 8 جىل باس بوستاندىعىنان ايىرۋدى سۇراعان ەدى.