Qojaǵapanov isi: eks-sheneýnik pen bıznesvýmenniń otbasy qandaı múlikke ıe?

Foto: KFF

Ál-Farabı aýdanynyń qylmystyq ister jónindegi sotynda 19 mamyr kúni burynǵy sport jáne mádenıet vıe-mınıstri Erlan Qojaǵapanovty 3 jylǵa bas bostandyǵynan aıyrý týraly úkim shyǵaryldy. Sýdıa eks-sheneýniktiń jáne onyń otbasynyń múlki – elıtalyq jyljymaıtyn múlik, kólikter, krıptovalıýta men qarajattan buǵatty alyp tastady. Al osy is boıynsha 5 jylǵa sottalǵan kásipker Lázzat Kókkózovanyń aktıvteri – jyljymaıtyn múlikten bastap ıfrlyq valıýtalarǵa deıin – áli kúnge deıin buǵattaýly. Sottalǵandardyń bul iste qandaı múlki bar ekeni anyqtaldy, dep habarlaıdy  qandastar.kz     Dalanews.kz-ke silteme jasap.

Erlan Qojaǵapanov laýazymdyq ókilettikterin teris paıdalanǵany úshin kináli dep tanyldy. Sot nusqasy boıynsha, ol 2018 jyly Petropavlda Qazaqstan men Reseıdiń prezıdentteri Nursultan Nazarbaev pen Vladımır Pýtın qatysqan óńiraralyq yntymaqtastyq forýmyn uıymdastyrý tenderin Success K kompanııasyna zańsyz alyp bergen. Nátıjesinde, Success K dırektory Lázzat Kókkózova memleket bıýdjetiniń 1 mıllıard teńgeden astam qarajatyn ıemdengen.

Lázzat Kókkózova asa iri kólemde alaıaqtyq jasaǵany úshin kináli dep tanylyp, 5 jylǵa bas bostandyǵynan aıyryldy.

Memleketke keltirilgen 1 mıllıard 9 mıllıon teńge shyǵyndy óteý mindeti Lázzat Kókkózovaǵa júkteldi. Erlan Qojaǵapanov bul ótemnen bosatyldy, sondyqtan onyń múlkine salynǵan buǵat tolyqtaı alynyp tastaldy. Buǵat alynǵan aktıvterdiń arasynda: krıptovalıýta, 30 myń dollar qolma-qol aqsha jáne úsh garaj bar, degenmen Qojaǵapanov otbasynyń naqty ıeligindegi aktıvter budan áldeqaıda kóp.

Eks-vıe-mınıstr Erlan Qojaǵapanovqa ne tıesili?

CMN.kz málimetinshe, resmı túrde Erlan Qojaǵapanovqa arnaıy krıpto-ámııandardaǵy 0,17 bıtkoın, 1,9 Ethereum tokeni, 2,19 Liberty Token, Almaty qalasyndaǵy úsh garaj, shamamen 2 mıllıon teńgeden astam aqsha men qolma-qol 30 myń dollar tıesili ekeni kórsetilgen. Burynǵy vıe-mınıstr úshin bul óte qarapaıym aktıvter sııaqty kórinedi.

Sýdıa eks-sheneýniktiń múlkin tizgennen keıin, Omarova degen azamatshanyń aktıvterin atady. Bul azamatsha – shamasy, Erlan Qojaǵapanovtyń jubaıy nemese jaqyn týysy bolýy múmkin. Omarovanyń atyna Almatydaǵy elıtaly aýdandardyń birinde 14 sotyq jer telimi men aýdany 686 sharshy metr bolatyn úlken záýlim úı tirkelgen.

Bul alyp eki qabatty úı – Almatydaǵy «Jaılaý» golf-klýbynyń janynda biryńǵaı stılde salynǵan 38 elıtalyq kottedjdiń biri. Záýlim úıler bıik qorshaýmen qorshalǵan jekemenshik aýmaqta ornalasqan.

Jaqyn ornalasqan úılerdiń satylymǵa qatysty jarnamalarynda bul múlik «ǵajaıyp vılla», «prestıjdi aýdanda ornalasqan erekshe nysan» retinde sıpattalǵan.

«Jóndeý jumystary tek premıým-klass ıtalııalyq materıaldarmen, dızaınerdiń qatań baqylaýymen jasalǵan, bul úıge erekshe stıl men sándilik beredi», – dep kórsetilgen habarlandyrýlarda.

Úıdiń ishinde: qonaq bólme, baqqa shyǵatyn ashana, balalar bólmesi, SPA-aımaǵy, basseın, garderob bólmeleri jáne qoımalar bar.

Osy elıtaly aýdandaǵy mundaı úıdiń naryqtaǵy quny – 2,89 mıllıard teńge. Bul qylmystyq is boıynsha memleketke keltirilgen zalal somasynan úsh ese kóp.

Sondaı-aq, Omarovanyń atynda aq tústi Lexus RX500 (2020 jyly shyqqan) kóligi tirkelgen. Taǵy bir kólik – Mercedes-Benz V250 (2018 jyly shyqqan) Qojaǵapanova J. esimdi tulǵanyń – boljam boıynsha, Erlan Qojaǵapanovtyń qyzy Jámılániń atyna tirkelgen.

Jámılá Qojaǵapanovanyń atyna Almatynyń ortalyǵyndaǵy elıtalyq «Sálem» turǵyn úı kesheninde páter tirkelgen. Qazir bul turǵyn úı keshenindegi páterlerdiń naryqtaǵy baǵasy 200 mıllıon teńgeden bastalady.

Lázzat Kókkózovanyń ıeliginde ne bar?

Erlan Qojaǵapanov pen onyń otbasy sot sheshimimen múlikterin tolyq qaıtaryp alǵan bolsa, Lázzat Kókkózova men onyń jaqyndary keltirilgen shyǵyndy ótegenge deıin múlikteriniń buǵattan bosatylýyn kútýi tıis nemese aktıvteri qaryzdy jabý úshin tárkilenýi múmkin.

«Arest qoıylǵan múlikti azamattyq talapty qanaǵattandyrý, materıaldyq zalaldy óteý maqsatynda saqtap qalý qajet», – dep sýdıa sheshimdi oqydy.

Sotta belgili bolǵandaı, bıznesvýmenniń ıeliginde: 4,8 mln teńge men 2800 dollar qolma-qol aqsha jáne ártúrli kólemdegi krıptovalıýtalar bar: FDC (0,000090), USDE (0,0097), MBL (0,97), DTS (0,0033), VIN jáne ETH (árqaısysy 0,0168), sondaı-aq basqa krıptovalıýtalardyń iri kólemderi – shamamen 129,36 jáne 134,456 birlik.

Bul onyń aktıvteriniń bir bóligi ǵana. Lázzat Kókkózova Astanadaǵy «Kólsaı» turǵyn úı kesheninde eki páter men eki avtoturaq ornyna ıe. Qazir bul turǵyn úı keshenindegi páterler naryqta keminde 45 mıllıon teńgeden satylýda. Sonymen qatar bıznesvýmen Almaty qalasy Áýezov aýdanyndaǵy «Dostyq» shaǵyn aýdanynda jeke úıge ıelik etedi.

Onyń bıznes aktıvterine Almaty oblysynda sharýa qojalyǵy jáne 2012 jylǵy Toyota Land Cruiser Prado kóligi kiredi.

Lázzat Kókkózovanyń kúıeýiniń ıeligindegi otbasylyq aktıvter de áserli: Qaraǵandy qalasynda (Qazybek bı aýdany) eki jer telimi, óndiristik baza, qosymsha qurylystar men sý uńǵymasy bar. Sondaı-aq Almaty oblysy Eńbekshiqazaq aýdanynda taǵy bir jer telimi jáne Qaraǵandy oblysy Topar aýylyndaǵy demalys aımaǵy bar. Kólikterdiń arasynda – 2012 jylǵy Toyota Camry avtokóligi tirkelgen.

Lázzat Kókkózovanyń qyzy Aıymnyń aktıvterine Astana qalasyndaǵy jeke úı men anasy sııaqty sol turǵyn úı keshenindegi páter kiredi. Onyń menshiginde 2018 jylǵy Toyota Hiace avtokóligi bar.

Sotta Lázzat Kókkózova óziniń qylmystyq qýdalaýǵa ushyraýyn Erlan Qojaǵapanovpen baılanystyrǵan bolatyn. Eks-sheneýnik óz kezeginde kinásin moıyndamaı, kýágerlerge Sybaılas jemqorlyqqa qarsy qyzmet tarapynan qysym jasaldy dep málimdegen.

Prokýror sot jaryssózinde Erlan Qojaǵapanovqa 7 jyl, al Success K basshysy Kókkózovaǵa 8 jyl bas bostandyǵynan aıyrýdy suraǵan edi.