QTJ qaryzdy qaıtarýǵa qaýqarly ma: mınıstr jaýaby

Májilis kýlýary aıasynda ótken brıfıngte kólik mınıstri Marat Qarabaev Joǵary aýdıtorlyq palata tóraǵasy Álıhan Smaıylovtyń QTJ qaryzy týraly málemdemesine jaýap berdi,-dep habarlaıdy Qandastar.kz

Mınıstrdiń sózinshe, kompanııa qaryzyn ótep, taza tabysqa da shyǵyp otyr. Sondaı-aq ol kompanııanyń qaryzdy qaıtara alatyn qaýqary bar ekenin aıtty. «QTJ qarjysyna salynǵan joldarda júk tasymaly ótedi, kólikter júredi.

Kompanııa salǵan aqyly joldardan túsken qarajat esebinen qaıtaryp otyrady.

Qaryzdy 20-25 jylǵa alady. Kompanııanyń aqshany qaıtarýǵa qabileti bar. Jalpy 2,7 trln bolsa, ár qaryzdyń belgilengen mólsheri bar, bireýin 25 jylda, birin birin 30 jylda qaıtarady. Byltyr QTJ-nyń 164 mlrd teńge boldy. Byltyr tóleýge tıis tóleıtin qaryzdary bar, solardyń barlyǵyn tólegen soń, osyndaı tabys qalyp otyr. Qaryzdy qatarý úshin tranzıttik tarıfti ulǵaıtyp otyrmyz. QTJ-nyń basty tabysy – tranzıttik tabys», – dedi mınıstr.

Sondaı-aq ol QTJ-nyń kólemdi qaryzdy ne úshin alǵanyn túsindirip berdi. «QTJ-ǵa memleket qarjy berip otyrǵan joq. О́ziniń shyǵynyn sheteldik nemese otandyq bankterden nesıe alyp, qajetine jumsap otyr. Qandaı shyǵyndar ekenine toqtalsam, vagondar satyp alý, temirjol jóndeý, lokomotıvter satyp alý. Joǵary aýdıtorlyq palata aıtyp otyrǵan QTJ qaryzy úlken jol qurylysy úshin alynǵan. QTJ Almatydaǵy aınalma jol nemese Moıyntyda ekinshi temirjol saldy. Bul qurylystardyń birde-bireýin memleket qarjylandyrǵan joq. Qarjyny sheteldik bankterden qaryzǵa aldy», – dedi Marat Qarabaev.