جاڭالىقتار
قۋات حاميتوۆ: اسۋ الماباەۆقا فۋتبولشىلارعا ءبولىنىپ جاتقان ميللياردتاردى بەرىڭدەر
فوتو: instagram.com/kuat__khamitov
بەلگىلى مما جاۋىنگەرى قۋات حاميتوۆ UFC پروموۋشەنىندە باق سىناپ جۇرگەن فايتەر اسۋ الماباەۆقا قولداۋ كەرەك ەكەنىن اشىپ ايتتى, دەپ حابارلايدى Skifnews.kz اقپارات پورتالى.
اسۋ الماباەۆ UFC-ءدىڭ ەڭ جەڭىل سالماق دارەجەسى بويىنشا تۇزىلگەن رەيتينگتە ۇزدىك 15 فايتەردىڭ قاتارىنا ەندى. اسۋ بۇل الەمدىك پروموۋشەندە ءۇش رەت جەكپە-جەك وتكىزىپ, بارلىعىندا جەڭىسكە جەتتى.
«جىگىتكە فۋتبولشىلارعا ءبولىنىپ جاتقان ميللياردتاردى بەرىڭدەر! ءبىزدىڭ جىگىتتەر ەشقانداي قولداۋسىز بيىك بەلەستەردى باعىندىرىپ ءجۇر!», — دەپ پىكىر قالدىردى قۋات حاميتوۆ Instagram جەلىسىندەگى kzsports پاراقشاسىندا جاريالانعان حابارلاماعا.
اسۋ الماباەۆ UFC-دەگى دەبيۋتىن 2023 جىلدىڭ تامىزىندا جاسادى. ءبىرىنشى جەكپە-جەگىندە قازاقستاندىق فايتەر امەريكالىق ودي وسبورنمەن (12-7) كەزدەسىپ, جەڭىسكە جەتتى.
