قۇبىر زاۋىتىندا جۇمىس ىستەيتىن 18 جاستاعى قىزمەتكەردىڭ قولىن ستانوك ج ۇلىپ كەتكەن

الماتىداعى قۇبىر زاۋىتىندا جۇمىس ىستەيتىن 18 جاستاعى بەكجاننىڭ قولىن ستانوك ج ۇلىپ كەتكەن, دەپ حابارلايدى Qandastar.kz  31-ارنانىڭ ينفورمبيۋرو جاڭالىقتار قىزمەتىنە سىلتەمە جاساپ. جانتۇرشىگەرلىك جاعداي كاسىپورىنداعى بەينەكامەراعا ءتۇسىپ قالعان.

بەكجان العاشىندا زاۋىتقا جۇك تاسۋشى بولىپ جۇمىسقا تۇرعان. بىراق قىزمەتكەرلەردىڭ ءبىرى ونى اپپاراتقا تۇرعىزىپ قويعان. ءتىپتى قاۋىپسىزدىك ەرەجەلەرىن دە تۇسىندىرمەدى دەيدى بوزبالا. كەيىن ءوزى ەش ەسكەرتپەستەن باسقا ستانوكپەن جۇمىس ىستەۋگە كەتىپ قالىپ, مەنى جالعىز قالدىردى دەپ وتىر.

“سايد دەگەن اۋىسىمنىڭ جەتەكشىسى بولادى. ول اپپاراتتا جۇمىس ىستەۋ ترۋبا تيەۋدەن وڭاي دەپ تۇرعىزىپ قويدى. ول كىسىمەن بىرگە ىستەپ جاتامىز. سوسىن ول باسقا اپپاراتقا كەتىپ قالادى. ءتىپتى ماعان “سەن ىستەمەي تۇرا تۇر” دەپ ەسكەرتپەي, باسقا اپپاراتقا كەتىپ قالدى”, – دەيدى قولىنان ايىرىلعان بەكجان.

زاۋىتتىڭ باسشىلىعى بۇل جونىندە پىكىر بىلدىرۋدەن باس تارتتى. بەكجان ايتىپ وتىرعان سايد مىرزا دا قارسى بولدى, بىراق كەيىن رايىنان قايتىپ, سۇراعىمىزعا جاۋاپ بەردى. ايتۋىنشا, بەكجانعا باسقا ستانوكقا بارا جاتقانىن ەسكەرتكەن, بىراق بوزبالا قۇلاق اسپاعان.

“بەكجانعا اعالاردىڭ كوزىنشە “سەن جۇمىس ىستەمەي, ءبىر 20 مينۋت وتىرا تۇر, مەن قايتىپ كەلەمىن ەكەۋىمىز بىرگە باستايمىز” دەپ ايتتىم. ەندى بەكجانعا “نەگە ءويتىپ ىستەدىڭ, ءىنىم? مەن ساعان وتىرا تۇر دەپ ايتپادىم با” دەسەم, “كەشىرىڭىزشى, اعا, مەن ويلانىپ كەتىپپىن” دەدى. ونى مەنىڭ جۇمىسىمداعىلاردىڭ ءبارى ەستىدى”, – دەيدى كۋاگەر سابيدين اسانوۆ.

وقيعادان كەيىن بەكجاندى اۋرۋحاناعا كاسىپورىن قىزمەتكەرلەرى اپارعان. ءتىپتى ج ۇلىنعان قولدى دا پاكەتكە سالىپ العان. سول سەبەپتى بەكجاننىڭ اناسى بالاما مەديتسينالىق كومەك ۋاقىتىندا كورسەتىلمەدى دەپ ناليدى.

“جەدەل جاردەم شاقىرماي, بالامدى الىپ, قولىن جگۋتپەن بايلاعان. قولىن پاكەتكە سالىپ الىپ, وزدەرىنىڭ ماشيناسىمەن 2 جۇمىسشى اۋرۋحاناعا اپارا جاتقان. سوسىن جول بويىنا توقتاتىپ قويىپ, 1 ساعاتتاي بالادى كۇتتىرىپ قويعان. بالاما ەكى كوك جۋرنالدى الىپ كەلىپ, قول قويدىرتقان”, – دەيدى جابىرلەنۋشىنىڭ اناسى ساۋلە ۋاليچاەۆا.

ول ۇلى قاجەتتى ەم-دومىن الا الماي قالا ما دەپ قورقادى. سوزىنشە, زاۋىت باسشىلىعى 4 ميلليون تەڭگە ۇسىنعان. الايدا بالامنىڭ پروتەزى 17 ميلليون تەڭگە تۇرادى, قالعان اقشانى قايدان الارىمدى بىلمەيمىن دەپ وتىر.