جاڭالىقتار
«قۇدالىعىمىز قۇتتى بولسىن!»: اكتريسا ءاليا انۋاربەككە سىرعا سالىندى
الەۋمەتتىك جەلىدە اكتريسا ءاليا انۋاربەككە سىرعا سالىنعان ءساتى تاسپالانعان ۆيدەو تارادى, دەپ حابارلايدى Qandastar.kz اقپارات پورتالى.
ول ۆيدەودا ازىلكەش تۇرسىنبەك قاباتوۆتىڭ ايەلى, كەيىنگى كەزدە انشىلىگىمەن كوزگە ءتۇسىپ جۇرگەن پروديۋسەر ءمولدىر مۇقانوۆانىڭ اكتريسا ءاليا انۋاربەككە سىرعا سالىپ جاتقانىن كورۋگە بولادى.
«قۇلاعىنا سىرعا سالۋعا كەلىپ قالدىق. سىرعامىز سالتاناتتى, قۇدالىعىمىز قۇتتى بولسىن», – دەيدى ءمولدىر مۇقانوۆا.
ەسكە سالا كەتەيىك, اكتريسا ءاليا انۋاربەك ەڭ العاش اقان ساتاەۆتىڭ “اعايىندى” تەلەحيكاياسى, “جاۋجۇرەك مىڭ بالا” ءفيلمى ارقىلى كورەرمەنگە تانىلعان اكتريسا. كوپ ۋاقىت ۇزىلىستەن كەيىن ۇلكەن كينوعا ورالىپ, “باقىت قۇشاعىندا” ميۋزيكلىندا باستى رولدە ءتۇسىپ جاتىر. اكتريسا سىرعا سالۋعا قاتىستى ءوزى ەش اقپارات بەرمەدى.
