كۇدىكتى الماتىلىق پوليتسەيلەردىڭ كولىگىنەن قاشىپ كەتكەن

فوتو: الماتى پد ءباسپاسوز قىزمەتى

الماتى پوليتسياسى كەشە, 4 جەلتوقساندا قاراۋىلشى جاساقتىڭ (كونۆوي) كولىگىنەن قاشىپ كەتكەن ەر ادامدى ىزدەستىرىپ جاتىر, دەپ جازدى qandastar.kz

ۆەدومستۆونىڭ مالىمەتىنشە, قازىر قىزمەتتىك تەكسەرۋ باستالدى. بۇعان كىنالىلەر قاتاڭ جاۋاپكەرشىلىككە تارتىلادى.

وقيعانىڭ ءمان-جايى انىقتالىپ جاتىر دەپ حابارلادى ءباسپاسوز قىزمەتى.

الماتى پوليتسياسى كونۆوي قىزمەتىنىڭ اۆتوكولىگىنەن قاشىپ كەتكەن ەر ادامنىڭ سۋرەتى مەن مالىمەتتەرىن جاريالادى.

«الماتى قالاسىنىڭ پوليتسياسى 1996 جىلى تۋعان اۋباكري ك.ە. ەسىمدى ەر ادام ىزدەستىرىلىپ جاتىر. ول وتكەن كەشتە كونۆوي كولىگىنەن قاشىپ كەتتى. ىزدەۋدەگى ادامنىڭ بەلگىلەرى: بويى — 165-170 سانتيمەتر, دەنە ءبىتىمى ارىقشا, شاشى قارا, كوزى قوڭىر. ەرەكشە بەلگىلەرى: مۇرنى قيسىقتاۋ», — دەلىنگەن حابارلامادا.

«قاشقىننىڭ ورنالاسقان جەرى تۋرالى قانداي دا ءبىر اقپارات بىلەتىندەر مىنا تەلەفوندارعا حابارلاسۋى سۇرالادى:8-701-758-67-60; 8-778-158-54-44; 254-40-42 نەمەسە 102», — دەلىنگەن حابارلامادا.