«كۇيەۋگە شىققان ايەل سول رۋدىڭ ادامىنا اينالادى»: احمەتبەك نۇرسيلانىڭ ءسوزى جۇرتتىڭ اشۋىنا ءتيدى

الەۋمەتتىك جەلىدەگى پاراقشاسىندا قوعام بەلسەندىسى احمەتبەك نۇرسيلا قازاق ايەلىنىڭ جۇرتتارىنا قاتىستى جازبا جاريالادى, دەپ حابارلايدى qandastar.kz اقپارات پورتالى. 

“قازاق ايەلىنىڭ 3 جۇرتى بولادى: ءوز جۇرتى (كەلىن بولىپ تۇسكەن جەرى, كۇيەۋىنىڭ جۇرتى), ناعاشى جۇرتى جانە توركىنى! وكىنىشكە قاراي وسىنى قازىرگى 70-80 دەگى اپالارىمىزدىڭ كوبى بىلمەيدى ەكەن. مارقۇم شەشەم قىزدارىن بولەكتەپ “تۇرليندەر كەلدى, احانوۆتار كەلدى” دەپ وتىراتىن, كەزىندە ونشا ءمان بەرىپ, تۇسىنبەگەنبىز, ول دا ۇلكەن ساياسات ەكەن عوي. “قىز جات جۇرتتىق” , “شىققان قىز شيدەن تىسقارى”,  “تاستاي بات, سۋداي ءسىڭ”,  “قىز ۇيگە قوناق” دەگەن دانا تاربيەنىڭ ارقاسىندا قازاقتا اجىراسۋ بولماعان عوي. قوناق ءبىر كۇنى ءوز جۇرتىنا كەتۋ كەرەك قوي, بۇل ۇيدە ۋاقىتشا عانا وتىر, قوناق ماڭگىلىك ەمەس قوي. كەلىن بوپ تۇسكەن سوڭ سول اۋلەتتىڭ ۇرپاعىن جالعاستىرىپ, ءسوزىن سويلەپ, جىرتىسىن جىرتىپ, كەرەك كەزدە سويىلىن دا سوعاتىن بولعان. قازىرگى زاماندا ايەلدەر “ىشىمە سىيعان قىز سىرتىما دا سيادى” دەگەن وڭباعان ماقال شىعارىپ العان. مەنىڭ ايەلىم ارعىننىڭ قىزى, بىراق ول نايمان, سونىڭ ىشىندە ماتاي. ال ارعىن ول توركىنى! وسىنى جاستاردىڭ ساناسىنا مىقتاپ تۇرىپ سىڭىرە الساق, اجىراسۋ ازايادى, ءتىپتى مۇلدە بولمايدى! قازىرگى ءتىپتى ۇلكەن جاستاعى , قىز ۇزاتىلىپ, كەلىن ءتۇسىرىپ وتىرعان ايەلدەرگە وسىنى ايتساڭ ء“بىز قالاي رۋىمىزدى, سۇيەگىمىزدى, وزگەرتەمىز, قالاي باسقا رۋمىز دەپ ايتامىز” دەپ باستارى قاتادى”, — دەپ جازدى احمەتبەك نۇرسيلا.

قوعام بەلسەندىسىنىڭ بۇل جازباسىمەن كوپشىلىك كەلىسپەيدى.

“قىزدىڭ رۋى وزگەرمەيدى”, “بۇل دۇرىس ەمەس”, “دۇرىس, ايەل بارعان جەرىنىڭ رۋىن الادى” دەگەن سىڭايدا پىكىرلەر جازۋدا.