«Kúıeýge shyqqan áıel sol rýdyń adamyna aınalady»: Ahmetbek Nursılanyń sózi jurttyń ashýyna tıdi

Áleýmettik jelidegi paraqshasynda qoǵam belsendisi Ahmetbek Nursıla qazaq áıeliniń jurttaryna qatysty jazba jarııalady, dep habarlaıdy qandastar.kz aqparat portaly. 

“Qazaq áıeliniń 3 jurty bolady: О́z jurty (kelin bolyp túsken jeri, kúıeýiniń jurty), naǵashy jurty jáne tórkini! О́kinishke qaraı osyny qazirgi 70-80 degi apalarymyzdyń kóbi bilmeıdi eken. Marqum sheshem qyzdaryn bólektep “Túrlınder keldi, Ahanovtar keldi” dep otyratyn, kezinde onsha mán berip, túsinbegenbiz, ol da úlken SAIaSAT eken ǵoı. “Qyz jat jurttyq” , “Shyqqan qyz shıden tysqary”,  “Tastaı bat, sýdaı siń”,  “Qyz úıge qonaq” degen dana tárbıeniń arqasynda qazaqta ajyrasý bolmaǵan ǵoı. Qonaq bir kúni óz jurtyna ketý kerek qoı, bul úıde ýaqytsha ǵana otyr, qonaq máńgilik emes qoı. Kelin bop túsken soń sol áýlettiń urpaǵyn jalǵastyryp, sózin sóılep, jyrtysyn jyrtyp, kerek kezde soıylyn da soǵatyn bolǵan. Qazirgi zamanda áıelder “Ishime syıǵan qyz syrtyma da sııady” degen ońbaǵan maqal shyǵaryp alǵan. Meniń áıelim arǵynnyń qyzy, biraq ol Naıman, sonyń ishinde Mataı. Al Arǵyn ol tórkini! Osyny jastardyń sanasyna myqtap turyp sińire alsaq, ajyrasý azaıady, tipti múlde bolmaıdy! Qazirgi tipti úlken jastaǵy , qyz uzatylyp, kelin túsirip otyrǵan áıelderge osyny aıtsań “Biz qalaı rýymyzdy, súıegimizdi, ózgertemiz, qalaı basqa rýmyz dep aıtamyz” dep bastary qatady”, — dep jazdy Ahmetbek Nursıla.

Qoǵam belsendisiniń bul jazbasymen kópshilik kelispeıdi.

“Qyzdyń rýy ózgermeıdi”, “Bul durys emes”, “Durys, áıel barǵan jeriniń rýyn alady” degen syńaıda pikirler jazýda.