«Kúıeýiń alqash, lýdoman bolsa da birge turǵan durys»: Belgili koýchtyń áıelderge úndeýi jelide qyzý talqyǵa tústi

Bloger, koých, bıznes tálimger degen ataqpen tanys Nurlan Janaıdyń áıelderge qarata aıtqan sózi jelide qyzý talqyǵa tústi, dep jazdy Qandastar.kz

Medıamaman bul týraly áleýmettik jelidegi paraqshasynda jazdy.

«Altyn basty áıelden, baqyr basty erkek artyq. Bul meniń sózim emes, atam qazaqtyń sózi. Erkegińiz qansha jerden jaman bolsyn, aqsha tappaı úıde jatsyn, ol lýdoman, alqash bolsyn onyń tiri júrgeni sizge paıdaly negizi. Kóp áıelder sońǵy kezde erkekteriniń kemshiligin terip, olardy ańdımyn dep neshetúrli bylyqtaryn ashyp, erkeksiz qalyp jatyr. Jalǵyz balalardy asyraımyn dep, olarǵa durys tárbıe bere almaı júrgen áıelder kóp. Erkek qansha ońbaǵan bolsyn, nashar adam bolsyn báribir erkek úıde júrgeni abzal», — dedi ol.