«Quldyq emes, alaıaqtyq»: SIM qazaqstandyqtardy óz erkimen tuzaqqa túsip jatyr dep synǵa aldy

QR Syrtqy ister mınıstrliginiń ókili Aıbek Smadııarov qazaqstandyqtardyń Ońtústik-Shyǵys Azııada «quldyqqa túsip jatyr» degen aqparattarǵa núkte qoıdy, dep jazady qandastar.kz   Skifnews.kz aqparat portalyna silteme jasap.

Onyń aıtýynsha, bul quldyq emes, alaıaqtyqtyń qurbany bolý jaǵdaılary.

«Ońtústik-Shyǵys Azııa elderine qazaqstandyqtar quldyqqa túsip jatyr degen aqparattar tarap júr ǵoı. Onyń bárin tekserdik. О́ıtkeni sońǵy eki jylda kóbeıip ketti. Biraq bul eshqandaı da quldyq emes. Bul tek qana alaıaqtyq», – dedi ol.

Smadııarovtyń sózinshe, sol aımaqtarda ınternet, koll-ortalyq sııaqty alaıaqtardyń zańsyz uıymdary jumys isteıdi. Olar jumysqa joǵary jalaqy usynyp, qazaqstandyqtardy tartqannan keıin, biraz ýaqyttan soń adamdar ne isterin bilmeı qalady.

«Aılyqtary joǵary, bir jyldaı jumys istep, aqshalaryn jınap alady da sosyn ne isterin bilmeı, konsýlǵa zvondaıdy: “Oıbaı, maǵan kómektesińizder, meni shyǵaryńyzdar”, – deıdi. Biz baryp kómektesemiz. Olar elge keledi, qujattaryn aýystyrady, qaıtadan barady aqsha jasaýǵa», – deıdi resmı ókil.

Mınıstrlik sońǵy jyldary mundaı faktilerdiń kóbeıgenin atap ótip, jergilikti bılik, Qytaı jáne BUU-men birlesip alaıaqtyq sındıkattarǵa qarsy kúres júrgizip jatqanyn jetkizdi.

«Sol elderdiń bılikterimen, Qytaıdyń bıligimen, BUU-men birigip, halyqaralyq sındıkattarǵa qarsy kúresip jatyrmyz. Jaqynda Kambodja men Laosta birneshe Qytaı azamaty ustalyp, elderine qaıtaryldy. О́ıtkeni kóbine solar alaıaqtyq kompanııalardy basqarady», – dep málimdedi ol.

Aıbek Smadııarov qazaqstandyqtardyń bul uıymdarǵa bile tura baratynyn, olardyń joǵary bilimi men tili bar ekenin de atap ótti.

«Ony bilmeıdi, sana-sezimi tómen dep aıtýǵa bolmaıdy. Bilmese eki til meńgergen, joǵary bilimi bar. Sondyqtan eshqandaı da quldyq joq», – dep túıindedi mınıstrlik ókili.