«Kúmánim kúsheıdi»: Erbaıan Muhtardyń advokaty daıyn saraptamany kóre almaı, dabyl qaqty

Foto: Instagram/inga_imanbay

Áskerde júrip, komaǵa túsken, qazir aýyr hálde shetelde emdelip jatqan Erbaıan Muhtardyń otbasyna advokat bolǵan Inga Imanbaı sarbazdyń saraptamasy daıyn bolsa da, quzyrly organdar ony bermeı jatqanyn aıtyp, dabyl qaqty, dep habarlaıdy qandastar.kz  aqparat portaly Azattyq Rýhy saıtyna silteme jasap. 

«Erbaıannyń isi boıynsha saraptama daıyn. Birneshe kúnnen beri jańalyǵym bar dep júrgenim osy edi. Negizi, saraptama áldeqashan daıyn bolǵan. Biraq tergeýshi ony eki kún buryn ǵana aıtty. Al, keshe saraptamamen tanysýym kerek edi. Men tergeýshini kelisken ýaqytta kúttim, ol qońyraýǵa jaýap bergen joq. Kesh bolyp ketkesin telefonyna habarlama jazdym. Jaýaby maǵan syltaý, ýaqyt sozý sııaqty kórindi. Tergeýge qatysty kúmánim kúsheıdi. Áıtpese, daıyn turǵan saraptamamen tanystyrýdyń nesi qıyn? Sondyqtan, is burmalanyp, kináliler, Erbaıandy osy kúıge jetkizgender jazasyz qala ma degen kúmánim kúsheıdi. Jaǵdaıdy osy jerge ashyq jazyp, tergeýden, quzyrly organdardan jaýapty ashyq talap etemin», — deıdi Inga Imanbaı.

Eske salsaq, byltyr jeltoqsan aıynda Almatydaǵy 5571 áskerı bólimniń ulttyq ulanynda qyzmet etken Erbaıan Muhtar komaǵa túsken. Áskerı bólimdegiler onyń ájethanada qulap, basyn plıtkaǵa soǵyp alǵanyn aıtyp, bul oqıǵany jazataıym jaǵdaı dep túsindirgen. Alaıda týystary buǵan senbeıdi.