قۇمار ويىنعا سالىنعان مەملەكەتتىك قىزمەتكەرلەر جۇمىسىنان بوساتىلدى

فوتو: istockphoto.com

بىلتىر شىلدەدە قازاقستان رەسپۋبليكاسىنىڭ  «سىبايلاس جەمقورلىققا قارسى ءىس — قيمىل تۋرالى» زاڭىنا تولىقتىرۋلار ەنگىزىلىپ, سوعان سايكەس مەملەكەتتىك قىزمەتشىلەرگە قۇمار ويىندار ويناۋعا تىيىم سالىنعان بولاتىن, دەپ جازدى qandastar.kz

سولتۇستىك قازاقستان وبلىسىنىڭ پروكۋرورلارى تەكسەرىس جۇرگىزىپ, وسىنداي فاكتىلەردى انىقتادى.

اقجار اۋدانى اكىمدىگىنىڭ قۇرىلىس جانە ساۋلەت ءبولىمىنىڭ باس مامانى «1XBET» بۋكمەكەرلىك كەڭسەسىندە جۇيەلى تۇردە ءباس تىككەن.

ۇيالى اۋىلدىق وكرۋگى اكىمى اپپاراتىنىڭ جانە اقجار اۋدانىنىڭ ءبىلىم ءبولىمىنىڭ باس ماماندارى دا وسىنداي بۇزۋشىلىققا جول بەرگەن.

پروكۋرورلىق قاداعالاۋ اكتىلەرى بويىنشا جوعارىدا اتالعان لاۋازىمدى ادامدار جۇمىستان بوساتىلدى.