قۇندىلىقتارعا قۇرىلعان مەكتەپ

قوستاناي وبلىسىنىڭ قاراسۋ اۋىلىنداعى ىبىراي التىنسارين اتىنداعى مەكتەپتە ۇلتتىق تاربيەگە ەرەكشە ءمان بەرەدى. بالالار ادەت-عۇرىپ, سالت-داستۇرمەن تەك مۋزەي مەن وقۋلىقتان عانا تانىسىپ قويماي, ەسكىنىڭ كوزى دەيتىندەي دۇنيەلەردى جاڭعىرتىپ, ءوز قولدارىمەن ءتۇرلى بۇيىمدار جاسايدى.

مىناۋ قاراسۋ مەكتەبىندە ەكى جىل بۇرىن اشىلعان مۋزەي. ەرتەدە قولدانىستا بولعان تۇرمىستىق زاتتار, قولونەر بۇيىمدارى, زەرگەرلىك اشەكەيلەر, ات ابزەلدەرى.وسىنىڭ ءبارى اتا-انا, وقۋشىلاردىڭ كومەگىمەن جينالعان. ولاردىڭ اراسىندا 19-عاسىرعا جاتاتىن كونە زاتتار دا بار.       قىمبات توقىباەۆا, ىبىراي التىنسارين اتىنداعى مەكتەپ ديرەكتورىنىڭ ورىنباسارى: — بۇل بىزدە ماي شايقايتىن.

سوندا مىنانى بۇرعاندا, تەز-تەز بۇرعاندا كادىمگىدەي قايماقتى مايعا شايقاپ, ماي ىستەيتىن. ەندى مۇنى ءوزىمىز دۇرىستاپ الدىق. ۇلكەن اجەمىز بەردى ەستەلىككە. سول ەسكى زاتتاردى وقۋشىلار ءوز قولدارىمەن تازارتىپ,اقاۋلارىن دۇرىستاپ, باستاپقى قالپىنا كەلتىرۋگە تىرىسادى. ونىڭ دا وزىندىك ءمانى بار.    قىمبات توقىباەۆا, ىبىراي التىنسارين اتىنداعى مەكتەپ ديرەكتورىنىڭ ورىنباسارى: — ۇرپاقتارىمىز بۇرىننان اتام زاماننان كەلە جاتقان داستۇرلەرىمىزدى, سالت-داستۇرلەرىمىزدى زاتتارىمىزدى ۇمىتپاسىن, ياعني قايدان شىققانىن, تەگىن ۇمىتپاۋى ءۇشىن نەگىزىنەن.

بۇل مەكتەپتە سۋرەت, قولونەر, ءمۇسىن باعىتىندا جەكە ءپان بار, ۇيىرمە دە جۇمىس ىستەيدى. مىناۋ تىگىن سىنىبىن كىشىگىرىم تسەح دەرسىڭ. كەڭ بولمەدە بىرنەشە تىگىن ماشينكالارى, ەسكيزدەر, ماتا, ءجىپ, وسىنىڭ ءبارى بالالاردىڭ يەلىگىندە. ولاردىڭ قولىنان شىققان بۇيىمدار شىنىمەن كوز تارتادى.  بەكجان كەنجەباەۆ, كوركەم ەڭبەك ءپانىنىڭ مۇعالىمى: — ءوزىنىڭ قولىمەن جاساعان زاتتار قازىر باعالانادى. سول بالالار كىشكەنە بولسا دا, قولىنان كەلگەنىن جاساپ, اناسىنا سىيلىق جاسايدى, وزدەرىپ الىپ كەتىپ جاتادى. تاربيەلىك ءمان جاعى دا بار بالالارعا. قازىر كوپتەگەن تەلەفوننان كىشكەنە ءبىر ءسات ايىرىلۋعا وسى قولونەردىڭ سەپتىگى تيەدى دەپ ويلايمىن. قاراسۋ نەگىزگى ءبىلىم بەرۋ مەكتەبىندە ەلىمىزدىڭ قورعانىس ءمينيسترى بولعان مۇحتار التىنباەۆ اتىنداعى سىنىپ بار. اۆياتسيا گەنەرالىنىڭ ءوز قولىمەن جازعان تىلەك حاتى, كيگەن ۇشقىش شلەمى وسىندا ساقتاۋلى. حالىق قاھارمانى اۋىل مەكتەبىنە باسقالارعا تاڭسىق ەلەكتروندى تير تارتۋ ەتكەن.  ماۋلەن رايىمبەكوۆ, العاشقى اسكەري جانە تەحنولوگيالىق دايىندىق ءپانىنىڭ مۇعالىمى:  — قاناعاتتانارلىق دەگەن باعا شىعىپ تۇر ءبىرىنشى ميشەندە, ياعني ءبىر وق تيمەي كەتكەن. ەكىنشى ميشەندە ءبىز كورىپ وتىرمىز, باعا وتە جاقسى دەگەن. وندا ءۇش وقتا باس جاعىنا تيگەن. بۇل مەكتەپتىڭ وقۋشىلارى ءتۇرلى ونەر بايگەلەرىندە توپ جارىپ ءجۇر. بىلتىر وتكەن اباي جانە مۇقاعالي وقۋلارىندا قاراسۋلىق ءۇش قاتىسۋشى جۇلدەلى ورىنداردان كورىندى.