QUNDYLYQTARǴA QURYLǴAN MEKTEP

Qostanaı oblysynyń Qarasý aýylyndaǵy Ybyraı Altynsarın atyndaǵy mektepte ulttyq tárbıege erekshe mán beredi. Balalar ádet-ǵuryp, salt-dástúrmen tek mýzeı men oqýlyqtan ǵana tanysyp qoımaı, eskiniń kózi deıtindeı dúnıelerdi jańǵyrtyp, óz qoldarymen túrli buıymdar jasaıdy.

Mynaý Qarasý mektebinde eki jyl buryn ashylǵan mýzeı. Ertede qoldanysta bolǵan turmystyq zattar, qolóner buıymdary, zergerlik áshekeıler, at ábzelderi.Osynyń bári ata-ana, oqýshylardyń kómegimen jınalǵan. Olardyń arasynda 19-ǵasyrǵa jatatyn kóne zattar da bar.       Qymbat Toqybaeva, Ybyraı Altynsarın atyndaǵy mektep dırektorynyń orynbasary: — Bul bizde maı shaıqaıtyn.

Sonda mynany burǵanda, tez-tez burǵanda kádimgideı qaımaqty maıǵa shaıqap, maı isteıtin. Endi muny ózimiz durystap aldyq. Úlken ájemiz berdi estelikke. Sol eski zattardy oqýshylar óz qoldarymen tazartyp,aqaýlaryn durystap, bastapqy qalpyna keltirýge tyrysady. Onyń da ózindik máni bar.    Qymbat Toqybaeva, Ybyraı Altynsarın atyndaǵy mektep dırektorynyń orynbasary: — Urpaqtarymyz burynnan atam zamannan kele jatqan dástúrlerimizdi, salt-dástúrlerimizdi zattarymyzdy umytpasyn, ıaǵnı qaıdan shyqqanyn, tegin umytpaýy úshin negizinen.

Bul mektepte sýret, qolóner, músin baǵytynda jeke pán bar, úıirme de jumys isteıdi. Mynaý tigin synybyn kishigirim eh dersiń. Keń bólmede birneshe tigin mashınkalary, eskızder, mata, jip, osynyń bári balalardyń ıeliginde. Olardyń qolynan shyqqan buıymdar shynymen kóz tartady.  Bekjan Kenjebaev, kórkem eńbek pániniń muǵalimi: — О́ziniń qolymen jasaǵan zattar qazir baǵalanady. Sol balalar kishkene bolsa da, qolynan kelgenin jasap, anasyna syılyq jasaıdy, ózderip alyp ketip jatady. Tárbıelik mán jaǵy da bar balalarǵa. Qazir kóptegen telefonnan kishkene bir sát aıyrylýǵa osy qolónerdiń septigi tıedi dep oılaımyn. Qarasý negizgi bilim berý mektebinde elimizdiń Qorǵanys mınıstri bolǵan Muhtar Altynbaev atyndaǵy synyp bar. Avıaııa generalynyń óz qolymen jazǵan tilek haty, kıgen ushqysh shlemi osynda saqtaýly. Halyq qaharmany aýyl mektebine basqalarǵa tańsyq elektrondy tır tartý etken.  Máýlen Raıymbekov, alǵashqy áskerı jáne tehnologııalyq daıyndyq pániniń muǵalimi:  — Qanaǵattanarlyq degen baǵa shyǵyp tur birinshi mıshende, ıaǵnı bir oq tımeı ketken. Ekinshi mıshende biz kórip otyrmyz, baǵa óte jaqsy degen. Onda úsh oqta bas jaǵyna tıgen. Bul mekteptiń oqýshylary túrli óner báıgelerinde top jaryp júr. Byltyr ótken Abaı jáne Muqaǵalı oqýlarynda qarasýlyq úsh qatysýshy júldeli oryndardan kórindi.