Quny 50 mıllıard teńge bolatyn olıgopolııa jerleri memleketke qaıtaryldy

Bas prokýratýrada keńeıtilgen alqa otyrysy ótip, onda birinshi jartyjyldyqtaǵy jumys qorytyndylary aıtyldy,-dep habarlaıdy Qandastar.kz

Atalǵan kezeńde prokýratýra organdary balalardy qorǵaý, bilim berý, densaýlyq saqtaý jáne el basshylyǵynyń baqylaýyndaǵy basqa da áleýmettik mańyzdy baǵyttar boıynsha sharalar qabyldaı otyryp, tekserýler men taldaýlardy aıaqtaǵan. Sý tasqyny saldaryn joıý kezinde zańdylyqty qamtamasyz etýge erekshe nazar aýdaryldy, odan zardap shekken turǵandarǵa baspana salý jumystarynyń barysyn baqylaýǵa alynǵany aıtyldy.

Eńbek qatynastary salasynda prokýratýra qabyldaǵan sharalarmen 87 myń adamnyń quqyǵy qalpyna keltirildi, 3 myń qyzmetkerdiń aldynda 202 mıllıon teńgege jalaqy boıynsha bereshek óndirip alynǵan.

«Memleket basshysynyń ınvestıııalar boıynsha berilgen tapsyrmasyn iske asyrý sheńberinde prokýrorlar 32 trln teńgege 770 ınvestıııalyq jobany súıemeldenip otyr. 350 ınvestorǵa kómek kórsetildi. Olardyń ekonomıkaǵa qosqan úlesi 6,4 trln teńge boldy. «Prokýrorlyq súzgi» arqyly memlekettik organdardyń 2300 materıaly ótti (tekserýlerdi taǵaıyndaý týraly, ákimshilik is júrgizýler qozǵaý týraly). Qaraý nátıjeleri boıynsha kelisýden bas tartylǵany: 31 – shekteýler boıynsha, 71 – tekserý taǵaıyndaý boıynsha, 170 – ákimshilik is júrgizýdi qozǵaý boıynsha», – delingen habarlamada.

Búginde 44 myń kásipkerdiń quqyqtary qalpyna keltirildi. Olarǵa qatysty memlekettik organdardyń alty myńnan astam tyıym salý jáne shekteý sharalary joıyldy (olardyń basym kópshiligi memlekettik kirister jelisi boıynsha – 6050).

Jalpy, áleýmettik ekonomıkalyq salada prokýrorlardyń aktileri boıynsha 2,5 mıllıon adamnyń quqyqtary qalpyna keltirildi. Bıýdjetke 41 mıllıard teńge kóleminde keltirilgen zalal óteldi. 167 qylmystyq is qozǵaldy, 75 adam sottalǵan.

«Aktıvterdi qaıtarý boıynsha memleketke 312 mlrd teńge, onyń ishinde shetelden – 63 mıllıard teńge qaıtaryldy. 50 mıllıard teńgege 513 myń gektar olıgopolııa jeri tárkilendi. Krımınogendik jaǵdaı prokýratýranyń turaqty baqylaýynda. Jalpy, 8 paıyz qylmys tómendedi (61 422-den 56 369-ǵa deıin).

Tergeý barysynda zańdylyqty qamtamasyz etý sheńberinde prokýrorlar 800-den astam azamatty qylmystyq ortaǵa negizsiz tartýdyń jolyn kesti. Konstıtýııalyq quqyqtardyń buzylýy úsh eseden astam tómendedi. Prokýrorlardyń narazylyqtary men ótinishteri boıynsha 34 sottalýshynyń jaǵdaıy jaqsardy, 2 adam aqtaldy. 708 zańsyz ustalǵan adam bosatyldy», – delingen habarlamada.

Halyqaralyq yntymaqtastyqty nyǵaıtý boıynsha jumystar jalǵastyrylyp jatqany aıtyldy. Keler jyly Kıprmen sottalǵandardy berý týraly jáne Katarmen quqyqtyq kómek kórsetý jáne ustap berý týraly halyqaralyq sharttarǵa qol qoıyldy. Olar Parlamentte ratıfıkaııalanyp jatyr. Basqa elderden shetelde jasyrynǵan 13 izdeýde júrgen adam ekstradıııalandy.

Talqylaý qorytyndysy boıynsha, Bas Prokýror negizgi mindetterdi belgilep, aldaǵy kezeńge naqty tapsyrmalar berdi. Prokýrorlar memleket basshysynyń azamattar men bıznestiń quqyqtaryn qorǵaý, ınvestıııalyq jobalardy súıemeldeý, aktıvterdi qaıtarý, ásirese otbasylyq-turmystyq saladaǵy quqyq buzýshylyqtardyń profılaktıkasy, balalardyń qaýipsizdigin qamtamasyz etý, kóleńkeli ekonomıkaǵa, esirtkige, alaıaqtyqqa qarsy kúres, uıymdasqan qylmysqa, azaptaýlarǵa qarsy is-qımyl jáne qadaǵalaý qyzmetiniń basqa da ózekti baǵyttary boıynsha tapsyrmalaryn oryndaýdy jalǵastyrady.