«Qupııa bolǵanyn qalaımyn»: halyq ártisi Nurjamal Úsenbaeva syryn aqtardy

Jibek Joly arnasyndaǵy «Búgin.Live» baǵdarlamasyna Qazaqstan men Tatarstannyń halyq ártisi, ánshi Nurjamal Úsenbaeva suhbat berdi. Ánshi otbasy týraly syr aqtaryp, toǵyz nemere tárbıelep otyrǵan áje ekenin jasyrmady, dep jazady Qandastar.kz aqparat portaly. 

«О́mirimniń qupııa bolǵanyn qalaımyn. Bizde 9 nemere bar. Men jaman emes ájemin dep oılaımyn. О́ıtkeni barlyq balaǵa erkindik berdik. Árqaısysy ózimen-ózi. Otbasylary bar. Sondyqtan olarǵa da jaqsy, bizge de jaqsy. О́ıtkeni sizder bilesizder, Tólegen Muhamedjanov – meniń jan serigim, joldasym. Biz – óner adamymyz. Bizge de shyǵarmashylyq atmosfera kerek. Saǵat túngi on ekide men roıalǵa otyryp, ánderimdi jattap, raspevka jasap, ánderimdi shyrqap, shabytym ashylýy múmkin. Al maestroda shabyt ashylsa, ol da jumys isteıdi. Biz eshkimge bóget jasamaımyz», — dedi ol.

Nurjamal Úsenbaevanyń sózinshe, nemereleriniń eshqaısysy óner jolyna túspegen, degenmen olardyń bári ónerdi súıetin kórinedi.

«Olar ónerde emes, biraq ónerdi jaqsy kóredi. Árıne, bizdiń konertterimizge gúl shoǵyn qushaqtap barady. Nemereler sýret salady, bımen aınalysady. Biz áli jaspyz, shóbere súıetin ýaqyt kelmedi», — deıdi ol.

Opera ánshisi áleýmettik jelidegi heıterler týraly da aıta ketti.

«Endi keıbir adamdar jaqsy sózder jazady, tilekter. О́zime unamaıtyn sózder jazatyndar da bolady. Árkimge unaǵanym durys emes, shart emes», — dedi óner ıesi.