جاڭالىقتار
قىلمىسكەرلەر Telegram-دى ەندى تەرىس ماقساتتا پايدالانا المايدى
فوتو: اشىق دەرەككوز
Telegram مەسسەندجەرىنىڭ نەگىزىن قالاۋشى پاۆەل دۋروۆ پلاتفورما ەرەجەلەرىنە وزگەرىستەر ەنگىزگەنىن حابارلايدى. بۇل تۋرالى ول ءوز ارناسىندا جازدى, دەپ حابارلادى Qandastar.kz.
بۇدان كەيىن Telegram وكىلدەرى مەملەكەتتىك ورگانداردىڭ سۇرانىسى بويىنشا قۇقىققا قايشى كونتەنتتەردى وشىرۋگە دايىن ەكەنىن مالىمدەدى.
«قىلمىسكەرلەردىڭ Telegram ارناسىن تەرىس ماقساتتا پايدالانباۋى ءۇشىن ءبىز بۇكىل الەم بويىنشا قىزمەت كورسەتۋ شارتتارى مەن قۇپيالىلىق ساياساتىن جاڭارتتىق. بۇدان كەيىن ءتيىستى ورگاندار ەرەجە بۇزعانداردىڭ ءىر مەكەن-جايلارى مەن تەلەفون نومىرلەرىن زاڭدى سۇراۋ سالۋعا بايلانىستى اشىپ كورسەتە الاتىنىن انىق تۇسىندىردىك», – دەپ جازدى پاۆەل دۋروۆ.
تەلەگرام نەگىزىن قالاۋشىسىنىڭ ايتۋىنشا, بۇل شارالار پلاتفورمانىڭ تۇتاستىعىنا قاۋىپ توندىرەتىن قىلمىسكەرلەردى جولدان تايدىرۋ ماقساتىندا قولعان الىنعان.
ودان بولەك, دۋروۆتىڭ مالىمدەۋىنشە, مودەراتورلار توبى كۇماندى كونتەنتتەردىڭ بارلىعىن بۇعاتتاماقشى.
ايتا كەتەيىك, Telegram مەسسەنجەرىنىڭ يەسى, ميللياردار پاۆەل دۋروۆ پاريج اۋەجايىندا ۇستالىپ, قاماۋعا الىنعانىن حابارلاعانبىز.
