Qylmyskerler Telegram-dy endi teris maqsatta paıdalana almaıdy

Foto: ashyq derekkóz

Telegram messendjeriniń negizin qalaýshy Pavel Dýrov platforma erejelerine ózgerister engizgenin habarlaıdy. Bul týraly ol óz arnasynda jazdy, dep habarlady Qandastar.kz.

Budan keıin Telegram ókilderi memlekettik organdardyń suranysy boıynsha quqyqqa qaıshy kontentterdi óshirýge daıyn ekenin málimdedi.

«Qylmyskerlerdiń Telegram arnasyn teris maqsatta paıdalanbaýy úshin biz búkil álem boıynsha qyzmet kórsetý sharttary men qupııalylyq saıasatyn jańarttyq. Budan keıin tıisti organdar ereje buzǵandardyń IR meken-jaılary men telefon nómirlerin zańdy suraý salýǵa baılanysty ashyp kórsete alatynyn anyq túsindirdik», – dep jazdy Pavel Dýrov.

Telegram negizin qalaýshysynyń aıtýynsha, bul sharalar platformanyń tutastyǵyna qaýip tóndiretin qylmyskerlerdi joldan taıdyrý maqsatynda qolǵan alynǵan.

Odan bólek, Dýrovtyń málimdeýinshe, moderatorlar toby kúmándi kontentterdiń barlyǵyn buǵattamaqshy.

Aıta keteıik, Telegram messenjeriniń ıesi, mıllıardar Pavel Dýrov Parıj áýejaıynda ustalyp, qamaýǵa alynǵanyn habarlaǵanbyz.