Qymbat Dosjan: Qazaq balasyn satyp, aqsha alǵan áıel qazir mektepte sabaq beredi

Foto: jeke qorynan

Belgili telejúrgizýshi jáne dıktor Qymbat Dosjan áleýmettik jelide kútpegen málimdeme jasap, qoǵamda qyzý talqy týdyrdy, dep jazdy qandastar.kz

Qymbat Dosjan bala kezinde shetelge asyrap alýǵa jiberilgen, búginde «belgııalyq Jánibek» atymen tanymal Murat Savelıevtiń anasyn izdep júr. Bul máselege nazar aýdartý úshin ol áleýmettik jelide ótkir pikir bildirdi.

«Baýyrjan Momyshuly «Ustaz adal bolý kerek, adal emes adam ustaz bola almaıdy» degen. Al qazaq balasyn satyp, aqsha alǵan áıel qazir mektepte sabaq beredi…,» – dep jazdy Qymbat Dosjan.

Jazbasynyń sońynda ol #Jánibek degen heshtegti qaldyrdy, bul áńgimeniń basty keıipkeri Murat Savelıevke qatysty ekenin meńzegeni anyq. Alaıda telejúrgizýshi bul týraly qosymsha málimet bermegen.