قىمبات كولىك, برەند سومكە: ەلشىنىڭ قىزى ەلدى نەسىمەن تاڭقالدىردى?

فوتو: الەۋمەتتىك جەلىدەن

قازاقستاننىڭ جاپونياداعى ەلشىسى سابىر ەسىمبەكوۆتىڭ قىزى سەيلين ەسىمبەكوۆا وزىنە كوپشىلىكتىڭ نازارىن اۋداردى. قىمبات كولىك, برەند سومكە, جارق-جۇرق ەتكەن اشەكەي تاققان ارۋ بايلىعىن كورسەتۋگە قىسىلماعان سەكىلدى, دەپ حابارلايدى Qandastar.kz Ulysmedia.kz. سىلتەمە جاساپ.

بۇل ارۋ كىم ءوزى?

بىزگە بەلگىلى اقپاراتقا سۇيەنسەك بويجەتكەننىڭ ەسىمى سەيلين سابىرقىزى ەسىمبەكوۆا. 2001 جىلى دۇنيەگە كەلگەن. بيىل شىلدەدە 23 جاسىن تويلاعان. ونىڭ تۋعان كۇنىن قالاي قارسى العانى جونىندە مالىمەت جوق. بىراق ارۋدىڭ الەۋمەتتىك جەلىدەگى ءومىر ءسۇرۋ سالتىنا قاراپ 23 جاسىن قاراپايىم قارسى الماعانىن توپشىلاۋعا بولادى.

بويجەتكەننىڭ الەۋمەتتىك جەلىدەگى پاراقشاسى تۇنگى ادەمى ءومىردى كورسەتەدى. ءتۇرلى برەند ماشينالار, جارق-جۇرق ەتكەن قالا كوشەلەرى.

سونداي-اق سەيلين سابىرقىزى ءۇي جانۋارلارىن, قىمبات اشەكەيلەردى جاقسى كورەتىن سياقتى. جاريالاعان سۋرەتتەرىنەن باعاسى جۇزدەگەن ميلليون تۇراتىن باعالى جۇزىكتەردى باسقا دا اكسەسۋارلاردى بايقاۋعا بولادى.

سابىر ەسىمبەكوۆ – قازاقستاننىڭ جاپونياداعى توتەنشە جانە وكىلەتتى ەلشىسى. 1964 جىلى الماتى قالاسىندا دۇنيەگە كەلگەن. الۋا ەسىمدى جارى جانە ەكى قىزى بار. ونىڭ ءبىرى ءبىز كورسەتكەن سەيلين بولسا اشىق كوزدەردەگى اقپاراتقا سايكەس ەكىنشى قىزى داريا. ول 17 جاستا.

سابىر ەسىمبەكوۆ قازاق, ورىس, اعىلشىن, جاپون تىلدەرىن مەڭگەرگەن.

«قازترانسويل», «قازمۇنايگاز» كومپانيالارىندا باسشىلىق لاۋازىمدار اتقارعان. 2021 جىلدان بەرى قازاقستاننىڭ جاپونياداعى ەلشىسى.