Qymbat kólik, brend sómke: elshiniń qyzy eldi nesimen tańqaldyrdy?

Foto: Áleýmettik jeliden

Qazaqstannyń Japonııadaǵy elshisi Sabyr Esimbekovtyń qyzy Seılın Esimbekova ózine kópshiliktiń nazaryn aýdardy. Qymbat kólik, brend sómke, jarq-jurq etken áshekeı taqqan arý baılyǵyn kórsetýge qysylmaǵan sekildi, dep habarlaıdy Qandastar.kz Ulysmedia.kz. silteme jasap.

Bul arý kim ózi?

Bizge belgili aqparatqa súıensek boıjetkenniń esimi Seılın Sabyrqyzy Esimbekova. 2001 jyly dúnıege kelgen. Bıyl shildede 23 jasyn toılaǵan. Onyń týǵan kúnin qalaı qarsy alǵany jóninde málimet joq. Biraq arýdyń áleýmettik jelidegi ómir súrý saltyna qarap 23 jasyn qarapaıym qarsy almaǵanyn topshylaýǵa bolady.

Boıjetkenniń áleýmettik jelidegi paraqshasy túngi ádemi ómirdi kórsetedi. Túrli brend mashınalar, jarq-jurq etken qala kósheleri.

Sondaı-aq Seılın Sabyrqyzy úı janýarlaryn, qymbat áshekeılerdi jaqsy kóretin sııaqty. Jarııalaǵan sýretterinen baǵasy júzdegen mıllıon turatyn baǵaly júzikterdi basqa da aksesýarlardy baıqaýǵa bolady.

Sabyr Esimbekov – Qazaqstannyń Japonııadaǵy tótenshe jáne ókiletti elshisi. 1964 jyly Almaty qalasynda dúnıege kelgen. Alýa esimdi jary jáne eki qyzy bar. Onyń biri biz kórsetken Seılın bolsa ashyq kózderdegi aqparatqa sáıkes ekinshi qyzy Darııa. Ol 17 jasta.

Sabyr Esimbekov qazaq, orys, aǵylshyn, japon tilderin meńgergen.

«Qaztransoıl», «Qazmunaıgaz» kompanııalarynda basshylyq laýazymdar atqarǵan. 2021 jyldan beri Qazaqstannyń Japonııadaǵy elshisi.