Qyrǵyz áriptesterimiz qoldaý kórsetedi dep senemiz – Almaty ákimi alpınısterdiń joǵalýy jaıly

Almaty qalasynyń ákimi Baqytjan Saǵyntaev bir top qazaqstandyq alpınıstiń taýda joǵalyp ketýine qatysty pikir bildirdi. «Tań ata dabyldy habar jetti: Ile Alataýynyń qyrǵyz jaǵynda qazaqstandyq bir top alpınıster iz-túzsiz joǵalyp ketken. Jigitterimiz Qyrǵyzstan aýmaǵynda bolǵandyqtan, SIM men IIM jumysty úılestirýdemiz. IIM izdeý-qutqarý jumystaryn bastady. Han táńiri taýynan izdestirý ornyna quramynda taýda jaıaý júrip izdeıtin qutqaratyn top bar tikushaq jiberildi. Qıyndyǵy sol, tikushaq bıik shyńdar ústimen usha almaıdy. Shyńnyń bıiktigi – 4500 metr. Odan ári qaraı izdestirý toby men eriktiler jumystaryn bastaıdy. Qyrǵyz áriptesterimiz qoldaý kórsetedi dep senemiz», – dedi ol óziniń Instagram paraqshasynda.

Derekkóz: https://24.kz/kz