قىرعىز كوكپارشىلارى قازاقتاردى ءوز جەرىنە شاقىرىپ جاتىر

فوتو: ارتيوم چۋرسينوۆ

قىرعىزستان رەسپۋبليكاسىنىڭ كوك ءبورى فەدەراتسياسىنىڭ ماماندارى قازاقستانعا 1 قاراشادا ىستىقكول ماڭايىندا كوكپار مەن كوك بورىدەن تۋرنير وتكىزۋدى ۇسىندى, دەپ حابارلايدى Qaz365.kz تىلشىسى Sputnik كىرگىزستان اگەنتتىگىنە سىلتەمە جاساپ.

ء«بىز 1 قاراشادا سول باياعى قۇراممەن كوك ءبورى مەن كوكپار ويناۋدى ۇسىنامىز. بۇل سپورت, ويىن ەكى حالىق اراسىندا الاۋىزدىق تۋدىرماۋى كەرەك. ءبىز حالىقتارىمىزدىڭ كەلىسىمى ءۇشىن جەكە امبيتسيالاردان باس تارتۋعا دايىنبىز. تورەشى باسقا ەلدەن بولادى», – دەدى كوك ءبورى فەدەراتسياسىنىڭ باسشىسى راميس جۇنىساليەۆ ءباسپاسوز ءماسليحاتىندا.

ەسكە سالايىق, 12 قىركۇيەكتە كوكپاردان قازاقستان جانە قىرعىزستان قۇرامالارى كوشپەندىلەر ويىندارىنىڭ اقتىق كەزەڭىندە جولدارى ءتۇيىسىپ, قازاق كوكپارشىلارى 5:4 ەسەبىمەن جەڭىسكە جەتكەن بولاتىن.

سونداي-اق ءدال وسى كۇنى كوك بورىدەن دە قوس قۇراما كەزدەسىپ, قىرعىز سپورتشىلار 10:4 ەسەبىمەن باسىم تۇسكەن بولاتىن.