الەم جاڭالىقتارىجاڭالىقتار
قىرعىزستان مەن تاجىكستان شەكارا داۋىن شەشتى
فوتو: قىرعىزستان پرەزيدەنتى اكىمشىلىگى
قىرعىزستان مەن تاجىكستاننىڭ پرەزيدەنتتەرى ەكى ەل اراسىندا شەكارا داۋىن شەشتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ەكى ەل باسشىلارى سادىر جاپاروۆ پەن ەمومالي راحمون مەملەكەتتىك شەكارا تۋرالى كەلىسىمگە قول قويدى. قوس تاراپ داۋلى اۋماقتارعا قاتىستى ماسەلەدە ورتاق پىكىرگە كەلگەن.
«كايراگاچ» پەن «كىزىل-بەل» باقىلاۋ-وتكىزۋ پۋنكتتەرى جۇمىسىن قايتا باستادى. نەگىزىنەن ەكى ەل اراسىندا وسىنداي 5 پۋنكت بار. قىرعىز-تاجىك شەكاراسى 1006,84 شاقىرىمعا سوزىلىپ جاتىر.
قىرعىزستان كورشىلەس ەلمەن اراداعى شەكارانى 2021 جىلدىڭ مامىرىندا جاۋىپ تاستادى. ءتيىستى شەشىم ەكى مەملەكەت اراسىنداعى قارۋلى قاقتىعىستان كەيىن قابىلدانعان ەدى.
بۇعان دەيىن قىرعىزستان مەن تاجىكستان شەكارا ماسەلەسىن شەشىپ, تاريحي كەلىسىمگە كەلگەنى ايتىلدى.
