Qyrǵyzstan men Tájikstan shekara daýyn sheshti

Foto:  Qyrǵyzstan prezıdenti ákimshiligi

Qyrǵyzstan men Tájikstannyń prezıdentteri eki el arasynda shekara daýyn sheshti. Bul týraly qandastar.kz Stan.kz aqparat agenttigine silteme jasap habarlaıdy.

Eki el basshylary Sadyr Japarov pen Emomalı Rahmon memlekettik shekara týraly kelisimge qol qoıdy. Qos tarap daýly aýmaqtarǵa qatysty máselede ortaq pikirge kelgen.

«Kaıragach» pen «Kyzyl-Bel» baqylaý-ótkizý pýnktteri jumysyn qaıta bastady. Negizinen eki el arasynda osyndaı 5 pýnkt bar. Qyrǵyz-tájik shekarasy 1006,84 shaqyrymǵa sozylyp jatyr.

Qyrǵyzstan kórshiles elmen aradaǵy shekarany 2021 jyldyń mamyrynda jaýyp tastady. Tıisti sheshim eki memleket arasyndaǵy qarýly qaqtyǵystan keıin qabyldanǵan edi.

Buǵan deıin Qyrǵyzstan men Tájikstan shekara máselesin sheship, tarıhı kelisimge kelgeni aıtyldy.