قىرعىزستاندا تىيىم سالىنعان گازدالعان سۋسىن بىشكەك دۇكەندەرىنەن الىنىپ تاستالدى

فوتو: Ozon.kz

بىشكەك دۇكەندەرىندە اۋعانستاندا وندىرىلگەن گازدالعان انار شىرىنىن انىقتاپ, اينالىمنان شىعارۋ ماقساتىندا جوسپاردان تىس تەكسەرىس جۇرگىزىلىپ جاتىر. بۇل تۋرالى Stan.kz اقپارات اگەنتتىگى 24.kg پورتالىنا سىلتەمە جاساپ حابارلايدى.

مەملەكەتتىك سانيتارلىق-ەپيدەميولوگيالىق باقىلاۋ ورتالىعىنىڭ مالىمەتىنشە, 58 ساۋدا نۇكتەسى مەن ساۋدا-بازار كەشەندەرى تەكسەرىلدى. كاسىپورىن باسشىلارىنا اتالعان ونىمدەردى ساتىلىمنان الىپ, جەتكىزۋشىلەر مەن ساتۋشىلارعا قايتارۋدى تالاپ ەتەتىن 65 سانيتارلىق نۇسقاما بەرىلدى. دۇكەن سورەلەرىنەن 7 مىڭ 356 بانكا سۋسىن الىنىپ تاستالدى.

بۇعان دەيىن دەنساۋلىق ساقتاۋ مينيسترلىگى اۋرۋلاردىڭ الدىن الۋ جانە مەملەكەتتىك سانيتارلىق-ەپيدەميولوگيالىق باقىلاۋ دەپارتامەنتىنىڭ بۇيرىعىمەن بۇل سۋسىندى بارلىق جەردە ساتىلىمنان الىپ تاستاۋدى ۇسىنعان ەدى.

ەسكە سالايىق, اۋعانستاندا جاسالعان سۋسىننىڭ قۇرامىنداعى ە122 ازورۋبين بوياعىشى بالالاردىڭ بەلسەندىلىگى مەن زەيىنىنە كەرى اسەر ەتەتىنى بەلگىلى بولدى. ساۋدا جەلىلەرىنىڭ باسشىلارىنا بۇل ءونىمدى ساتۋعا تىيىم سالىندى.

سونداي-اق, قۇرامىندا زيان قوسپاسى بار شىرىن قازاقستاندا ساتىلىمنان الىنباعان ەدى.